Radund 1'000 acziunaris pitschens portan plant cunter la surpigliada da la banca Credit Suisse tras la concurrenta UBS. Il plant vegnia inoltrà oz tar la Dretgira commerziala a Turitg. Quai ha communitgà la Societad per la protecziun dals investurs ed uschia confermà in rapport da la «Financial Times». Tar ils acziunaris pitschens sa tractia surtut da persunas privatas da la Svizra.
Ils acziunaris portan plant perquai ch’els han fatg perditas suenter che la UBS ha annunzià da surpigliar la CS per 3 milliardas francs il mars. Entaifer paucs dis ha l’aczia da la CS pers trais quarts da sia valur. En quest connex ha era gia in’autra gruppa annunzià da purtar plant.