La surpigliada da la Credit Suisse tras l'UBS è uffizialmain cumplettada. Quai scriva l'UBS en ina brev averta. I saja l'entschatta d'in nov chapitel, per l'UBS, il plaz da finanzas svizzer e l'industria da finanzas globala. Glindesdi vegn ad esser il davos di da commerzi per las aczias da la CS a la bursa svizra SIX.
Confederaziun ed UBS han suttascrit contract cunter sperditas
La Confederaziun e la banca UBS han suttascrit venderdi in contract che reglescha la garanzia cunter sperditas che l'UBS survegn cun surpigliar la Credit Suisse. La garanzia è limitada a 9 milliardas francs, e vala sche las sperditas da la UBS surpassan 5 milliardas.
L'UBS è obligada da reducir las sperditas pussaivlas ed ils ristgs per evitar sche pussaivel da stuair duvrar la garanzia. E la Confederaziun ha il dretg da controllar ed examinar la banca. Quai communitgescha il Departament federal da finanzas. El ha infurmà oz il Cussegl federal davart il contract da garanzia.
