I era in buna stagiun d'enviern per las «Pendicularas Svizras» – 3% dapli emprimas entradas haja dà cumpareglià cun l'onn avant. Quai è il fazit da l'organisaziun «Pendicularas Svizras». Cunzunt la naiv dal november haja procurà per ina buna entschatta da la stagiun. Oravant tut las destinaziuns ad aut hajan dentant era pudì profitar da quella.
La bilantscha mussa che fans dal sport d'enviern han schazegià ch'i ha dà diversas purschidas ed events enfin la fin da la stagiun.
Er bunamain 7% dapli giasts haja gì questa stagiun. Tenor l'organisaziun tetgala «Pendicularas Svizra» sajan tant las temperaturas autas dal favrer e mars, sco era la blera naiv l'avrigl stadas sfidas.
Las graficas da l'uniun da pendicularas svizras
Anfang Bildergalerie
Bildergalerie überspringen
-
Bild 1 von 3. Danovamain hai dà grondas differenzas regiunalas: ils territoris da skis da la Svizra da l'Ost han gì 9 % dapli entradas che durant l'enviern precedent. Las Alps dal Friburg ed il Giura percunter han gia registrà il mars in svilup negativ ch'è anc s'accentuà pli fitg la fin d'avrigl. Ils territoris da skis dal Grischun èn meglers che l'onn passà. Bildquelle: SEILBAHNEN SCHWEIZ.
-
Bild 2 von 3. Sch'ins cumpareglia ils dumbers da giasts da tut l' enviern cun la media da 5 onns, pon ins nudar in svilup positiv cun totalmain 5% dapli emprimas entradas en la Svizra. Er qua èn ils svilups regiunals èn fitg differents. Territoris gronds sco il Grischun han in svilup positiv – cuntrari al Oberland Bernais. Bildquelle: SEILBAHNEN SCHWEIZ.
-
Bild 3 von 3. Interessant èn las differenziaziun tenor grondezza da las pendicularas. L'analisa mussa qua che las pendicularas grondas – cun ina svieuta da passa 10 milliuns francs – sa sviluppan generalmain meglier che pli pitschnas. Els pon s'adatar megler en cas da mancanza da neiv. Bildquelle: SEILBAHNEN SCHWEIZ.
Ende der Bildergalerie
Zurück zum Anfang der Bildergalerie.