Il schaner saja stà bun, e l'emprima mesadad da la stagiun 23/24 perfin excellenta. 17% dapli osps han duvrà las pendicularas en il Grischun da l'entschatta da la stagiun fin ils 31 da schaner, scrivan las Pendicularas grischunas. La federaziun tetgala represchenta la gronda part da las pendicularas en il Grischun.
| Entradas emprimas schaner 2024 | ||
|---|---|---|
| Regiun | Cumpareglià cun 2023 | Cumpareglià cun media da 10 onns |
| Engiadin'Ota | +8,9% | +25,6% |
| Engiadina Bassa | +4,7% | +18% |
| Surselva | +13,3% | +29% |
| Tavau Claustra | +8,2% | +21,8% |
| Center cun Arosa Lai | 27,9% | +29,6% |
Total en l'entir Grischun hai 26,2% dapli entradas ch'en la media dals davos 10 onns. Quai vegnia cunzunt d'ina buna emna da Bumaun.
Sin basa da las cudeschaziuns, la dumonda suenter ils letgs e las cumpras guardian las Pendicularas grischunas cun confidenza en la segunda mesadad da la stagiun.
