Cifras pendicularas grischunas - Bunamain 7% dapli giasts sin pista

Las pendicularas grischunas discurran d'ina stagiun d'enviern gartegiada. Cumpareglià cun la stagiun 22/23 è il dumber da giasts s'augmentà per 6,7% – cumpareglià cun la media da 5 onns schizunt per 8,6% ed er il nivel d'avant corona è vegnì surpassà. La blera naiv da l'entschatta december e la naiv artifiziala hajan procurà per ina partenza fulminanta en la stagiun d'enviern. Durant la segunda mesadad da la stagiun saja l'aura stada main favuraivla, uschia ch'il svilup saja sa retardà in pau.