Suenter l’offensiva da solar vul il Cussegl naziunal er in’offensiva d’energia da vent: Parcs da vent duain vegnir lubids pli svelt. Il cussegl ha approvà ina lescha federala urgenta che vul accelerar las proceduras da permissiun. Da nov duain ils chantuns dar la lubientscha e betg pli las vischnancas.
Las proceduras da standard duain vegnir messas ord vigur enfin che la Svizra ha construì parcs da vent che pon producir 600 megawatt dapli ch'il 2021. Sulettamain la fracziun da la PPS ha vuschà encunter. Uss va la fatschenta en la chombra pitschna.
