La populaziun dals lufs en Svizra duai daventar pli pitschna. I duai esser pussaivel da schluppettar era entirs trieps, e quai preventivamain. Il sboz da la nova ordinaziun da la lescha da chatscha ch'il departament federal per ambient ha preschentà grittenta a la cussegliera naziunala grischuna Sandra Locher-Benguerel
Cun questa proposta è Albert Rösti ì massa enavant sin differents livels.
Per ina crititgescha la socialdemocrata la consultaziun sco tala. Normalmain han ins plirs mais temp da prender posiziun, tut las gruppas d’interess pon parter lur opiniun e la consultaziun è accessibla publicamain. Questa giada hai dat ina consultaziun curta. È betg publica. Il sboz è era vegni tramess sulettamain a singulas gruppas d’interess. Per l’autra crititgescha Locher-Benguerel il cuntegn. Da la vart ecologica han ins gidà da chattar in cumpromiss. Ins ha perfin fatg il cumpromiss pli grond di la politicra. Ella persunalmain haja era lobbià per evitar in referendum tar las organisaziuns da natira per ch’il cumpromiss possa vegnir realisà. Dentant la proposta na saja betg pli in cumpromiss. Ella è dischillusiunada dal minister da l’ambient Albert Rösti ed ha era tschertga il discurs en chaussa.
Finalmain in’ordinaziun endretga
Cuntenta cun la proposta è Magdalena Martullo-Blocher. Finalmain vegnia agì a moda persistenta di la cussegliera naziunala grischuna da la Partida populara svizra.
La populaziun dals lufs è creschida talmain en ils ultims ons che l’ordinaziun gida a far quai ch’ins ha manchentà era ils ultims onns.
Il Grischun haja massa blers trieps da lufs. Il territori saja massa pitschen per 13 trieps di Magdalena Martullo-Blocher. Perquai saja bun sch’ins po regular era ils trieps sco tals. Da vaira saja ussa però era che i na va memia ditg per survegnir las lubientschas per sajettar ils lufs. En sasez fissi meglier sch’ils chantuns pudessan dar quels permiss di la politicra.
Nua è la protecziun da la scossa?
En l’ordinaziun giaja a perder il gudogn ch’ils lufs èn per l’ecosistem en ils guauds agiunscha Sandra Locher-Benguerel. E dapli mesiras per la protecziun da las scossas na sajan era betg resguardadas en l’ordinaziun. Il cumpromiss saja en sasez stat che la protecziun da las scossas giaja maun en maun cun schluccar la protecziun dal luf.
Che l’ordinaziun è ina midada da paradigma, suttastritga era Magdalena Martullo-Blocher. Uss duai quella ir en vigur e lura pon ins guardar en dus onns sco quella fa effect.
L'ordinaziun definitiva vegn preschentada en las proximas emnas. Quai co emprima part da la decisiun dal parlament d'adattar la lescha da chatscha. En ina segunda part duain vegnir realisadas anc autras mesiras. Quai enfin il pli tard dal 2025.
