Tut vegn pli char. Tschains da locaziun , premias da cassas da malsauns e pretschs d'energia. La politica saja dumandada per proteger las consumentas ed ils consuments, quels sajan er in impurtant factur per l'economia. Radund 50% dal product interiur brut vegn da quel.
Tar in inscunter han uniuns da consumentas e consuments perquai tschernì temas da focus ensemen cun il survegliader da pretschs svizzer. Ed els han pretendì da politica ed economia da far lur part per proteger las consumentas ed ils consumentas. Sandra Stalder, manadra da la protecziun da consumentas e consuments, pretenda concret:
- che la politica augmenta la reducziun da premias cun la cuntraproposta tar l'iniziativa da levgiament da premias da la PS
- che bancas relaschan puspè taxas supplementaras ch'ellas han introducì sveltamain en il temp da tschains negativs
- e ch'ellas pajan puspè tschains da spargn (minimalmain 1%)
- ed a lunga vista duai ina revisiun dal dretg da cartels chaschunar che las persunas donnegiadas profiteschian da las multas, e betg pli la Confederaziun.
