Procurà per ina pitgna surpraisa durant la sessiun da primavaira ha il cussglier guvernativ da Zug Martin Pfister. El ha fatg la cursa encunter il politicher federal e preisdent da las puras e dals purs svizzers Markus Ritter. Il pirm d’avrigl surpriglia Martin Pfister il Departament federal da defensiun, protecziun da la populaziun e sport da Viola Amherd.
Sper l’elecziun è il menu da la sessiun stà vast. Spetgada è oravant tut era vegnida la debatta davart la surpigliada da l’anteriura banca Credit Suisse tras la UBS. Il rapport da la cumissiun parlamentara d’inquisiziun è vegnì debattà ensemen cun differentas moziuns e postulats che han sco finamira d’evitar tals cas en avegnir.
Debattà è a Berna era vegnì davart differentas inizitivas.
Daner blut en la Constituziun
Uschi ha il Cussegl naziunal ditg cun 185 a 6 vuschs Gea a la cuntraproposta indirecta dal Cussegl federal tar l'inizitiva «daner blut è libertad». Uschia prevesa la cuntraproposta da francar da nov en la Constituziun la garanzia dal provediment cun daners bluts ed il franc svizzer sco valuta svizra. Cun la cuntraproposta vegnan integrads ils dus giavischs principals da l'iniziativa, dentant è l'intent reglà a moda pli precisa che la proposta dal comité d'iniziativa.
Nagin servetsch a la generalitad per tuts
Refusada è vegnida l’inizitiva «Service Citoyen». La populaziun svizra na duai betg far ina sort servetsch da burgais. Il Cussegl naziunal recumonda da refusar l’uschenumnada «iniziativa per in service citoyen», e quai senza ina cuntraproposta. L'iniziativa pretenda che tuttas e tuts stoppian far in servetsch – saja quai en l'armada, saja quai per il bun da la generalitad u era per l'ambient. La maioritad da la Chombra gronda è da l'avis che l'iniziativa pericliteschia tranter auter l'effectiv da persunal da l'armada. Er il Cussegl federal refusescha l'iniziativa.
Refusà ha la Chombra gronda er in’ulteriura iniziativa. Numnadamain l’inizitiva per in futur. Uschia vai per la dumonda sche iertas da dapli che 50 milliuns francs duain vegnir suttamessas ad ina taglia da 50%.
Solarexpress
Suenter il Cussegl dals chantuns ha er il Cussegl naziunal decidì da dar dapli temp a projects per energia solara. Auter che previs na duain ils projects betg stuair furnir 10% da l’energia fin la fin dal 2025 per vegnir sustegnids cun daners or dal Solarexpress. Nov sto esser inoltrada la dumonda da fabrica fin la fin da l’onn.
Themen in diesem Newsticker
- Tschertgar strategias cunter manipulaziun da maletgs tras IA
- Pretschs dal traffic public restan chaussa da las interpresas
- Parlament vul collavuraziun spaziala cun l'Uniun europeica
- Nagina 13avla renta da l'assicuranza d'invaliditad
- Cussegl naziunal na vul nagin «Service Citoyen»
- Agid per l'Ucraina na vegn betg lià vid la prestaziun economica
- Cussegl naziunal refusa moziun per limittar daners per partidas
- Obligaziun d'annunziar malfatgs terroristics
- Cussegl naziunal: nagina «americanisaziun» dal sistem giuridic
- Nagina vendita da la dumengia per negozis pitschens