L’Uniun sindicala svizra ha lantschà la campagna da votaziun cunter la refurma da las cassas da pensiun. Questa refurma ignoreschia la situaziun finanziala da las cassas da pensiun. Ella saja deplazzada, ha communitgà l’uniun sindicala. Ella sa dostia cunter deducziuns da paja pli autas e rentas pli bassas. En vista als gudogns che las cassas da pensiun hajan fatg ils ultims diesch onns pretenda l’uniun sindicala da cumpensar la chareschia sin las rentas vertentas.
Era in'allianza da l'economia fa reclama per in Na a la refurma. Ella sa metta uschia cunter la parola da las uniuns tetgalas economicas ch'èn per la refurma. A la testa da l'allianza è Gastrosuisse. En pli vegn ella sustegnida da las federaziuns professiunalas dals pasterners, las coiffeusas, da centers da sanadad e d'elavuraturs da charn. La refurma mainia a faussa motivaziun sch'i giaja per spargnar, argumentescha l'allianza.
Il suveran svizzer decida davart la refurma da las rentas ils 22 da settember a l’urna.
