Las cameras dal Telegiornale dad RSI han visità in arranschament che fa part d'in ciclus da prelecziuns stgaffì per avischinar la scienza a la glieud. L'auditorium da l'ETH è daventà per ina saira ina bar da café, nua ch'il professer Thomas Michaels ha discurrì dal café e da quai che capita fisicamain cura ch'ins prepara per exempel in café cun filter u cun la Moka.
E per quai na duessas vus betg avair memia bler café en il filter da la Moka...
La cundiziun optimala per far in café cun la Moka è cun ina pressiun da 1,4 bar che dat ina temperatura d'extracziun da 110 grads. «E per quai na duessas vus betg avair memia bler café en il filter da la Moka, el na sto betg esser mieut memia fin e na sto betg vegnir smatgà, perquai che tut quai augmentass la resistenza dal flum reducind la permeabilitad e lura fiss ina pressiun pli gronda necessaria per extrair il café, quai che chaschunass ina temperatura pli auta ed il café na fiss lura betg pli bun», ha revelà Michaels, ch'è professer da fisica da la materia loma e viventa a l'ETH a Turitg.
Il café è in plaschair, ma er ina materia da studi interessanta: quella dals uschenumnads materials granulars, sco gist il café mieut, ha lura explitgà il professer. «Igl è in champ fitg cumplitgà. E tenor mai è il chapir la fisica da quests materials granulars fitg impurtant per lura survegnir in bun resultat en il café».
Or da l'archiv