-
Bild 1 von 14. Jasper Konijenberg è il capo brasseur da Bivio. Bildquelle: RTR, Federico Belotti.
-
Bild 2 von 14. Il café vegn elavurà en l'anteriura posta da Bivio. Bildquelle: RTR, Federico Belotti.
-
Bild 3 von 14. Duas da las trais sorts café che vegnan vendidas a Bivio ed en autras butias da la val. Bildquelle: RTR, Federico Belotti.
-
Bild 4 von 14. Quai è la pli pitschna maschina da brassar café ch'i dat sin la fiera. Ella custa radund 12'000 francs. Bildquelle: RTR, Federico Belotti.
-
Bild 5 von 14. I cuzza radund 20 minutas, enfin ch'il café è brassà. Bildquelle: RTR, Federico Belotti.
-
Bild 6 von 14. Il café pront sto anc ruassar dus dis, avant ch'el vegn pachetà. Bildquelle: RTR, Federico Belotti.
-
Bild 7 von 14. Vista en la brassaria da café. Bildquelle: RTR, Federico Belotti.
-
Bild 8 von 14. Durant il brassar sto il café vegnir controllà permanentamain. Bildquelle: RTR, Federico Belotti.
-
Bild 9 von 14. Jasper Konijenberg è responsabel per tut en la fatschenta. Bildquelle: RTR, Federico Belotti.
-
Bild 10 von 14. Il café criv deriva tranter auter da la Brasilia e la Guatemala. Bildquelle: RTR, Federico Belotti.
-
Bild 11 von 14. Tras questa pitschna fanestrà èsi pussaivel da guardar sch'il café è gia brassà avunda. Bildquelle: RTR, Federico Belotti.
-
Bild 12 von 14. Nagin spurtegl pli: Nua ch'ins purtava pli baud sias brevs e ses pachets, vegn oz fatg café. Bildquelle: RTR, Federico Belotti.
-
Bild 13 von 14. Il café vegn elavurà en l'anteriura posta da Bivio. Bildquelle: RTR, Federico Belotti.
-
Bild 14 von 14. Il café po era vegnir degustà en l'anteriura posta da Bivio. Bildquelle: RTR, Federico Belotti.
Fatg vegn il café da l’allrounder Jasper Konijenberg, ch’è oriund da l’Ollanda. El ha lavurà intginas stagiuns sco camarier a Bivio, la vischnanca enconuscha el da las vacanzas da skis da sia uffanza. El è responsabel per tut, vul dir il brassar il café, far il marketing, e trametter e vender il café a ses clients.
Sco quai che Jasper Konijenberg ha ditg, fetschia el il café il mument cun ina pitschna maschina da brassar. Mintg’ura dettia quai radund sis kilos. Sch’ils affars marschian bain en l’avegnir, veglia la «Bivio Rösterei GmbH» en l’avegnir cumprar ina maschina pli gronda cun dapli capacitad. Cun la pitschna saja l’idea, da far en l’avegnir workshops da brassar café.
Far café a Bivio è auter che giu la Bassa
Emprendì da far café ha Jasper Konijenberg en in curs en il Principadi da Liechtenstein. Far café a Bivio sin in’autezza da 1'769 meters sur mar saja ina sfida, cun quai ch’il dretg mument saja sin quest’autezza in’auter ch’en la Bassa. Ussa, prest in mez onn suenter ses emprim café brassà, saja la qualitad sin in fitg bun stan.
Il manader da fatschenta da la brassaria da Bivio è Pascal Uffer, ch'ha gì ina funcziun da cader tar l’interpresa Selecta. El viva en la Bassa ed ha ragischs en il Surses.