La Baselgia catolica duai s’occupar svelt e da rudent cun ils cas d’abus sexual ch’èn vegnids a la glisch l’emna passada, ma er cumbatter tals abus a moda effizienta. Quai pretenda il Cussegl federal – sco el ha scrit sin ina dumonda dal Cussegl naziunal.
Il Cussegl federal na giuditgeschia betg la rolla dal nunzi apostolic en connex cun quest’affera – hai num vinavant. Per las relaziuns tranter baselgia e stadi sajan numnadamain ils chantuns responsabels.
Passa milli cas dad abus ils ultims 70 onns
L’emna passada ha l’Universitad da Turitg publitgà in studi davart l’abus sexual en la Baselgia catolica. Tenor quai hai dà passa milli cas dapi il 1950 en Svizra.
