- Per 19'000 scolaras e scolars ha cumenzà oz la scola. Dentant n'han betg tut las scolas pudì occupar tut lur plazzas: 7 plazzas da scolasta u scolast èn anc vacantas – per part plazzas parzialas. Quai dasper las 530 lubientschas spezialas ch'il chantun ha dà quest onn, per astgar instruir era in nivel ch'ins n'è betg anc qualiftgà teoreticamain. Tenor il chantun ina situaziun stabila en vista a la mancanza da persunas d'instrucziun.
- Dal Piz Corvatsch en l'Engiadina han ins puspè pudì observar bain glisch polara e steilas crudantas la notg passada. In fenomen che turna mintg'onn enturn mez d'avust, cura ch'ils meteors dals Perseids passan sper la terra vi. E tenor MeteoSvizra cuntinueschi questa notg: Tranter las 22:00 e las 04:00 sajan las relaziuns idealas per observar fin a 100 stailas crudantas ad ura.
- En Grezia furia in grond incendi da guaud datiers la chapitala Athen vinavant. Entant sajan 12 vitgs alarmads dad evacuar las chasas. Tras la sitgira, la chalira ed ils ferms vents regia en pliras parts da la Grezia Centrala il pli aut stgalim da privel d'incendis da guaud.
Il di en survista
Themen in diesem Newsticker
- Quint annual positiv a La Punt Chamues-ch
- La via da l'Axen è serrada pervi da privel da crudada da crappa
- La Grezia dumonda agid da l'UE
- Part da Beznau mess ord funcziun automaticamain
- Sursaissa Mundaun: interpresa surpiglia gestiun da scola
- Examinaziun externa tar l'omicidi a Basilea
- Um najà durant la Street Parade
- Respectar las convenziuns da Genevra
- Vicepresident da l'Iran sa retira
- Duo da beachvolleyball Mäder/Vergé-Dépré sa separan