- La sentenzia cunter l'anteriur schef da la Banca Raiffeisen, Pierin Vincenz ed auters inculpads è puspè en vigur. Quai ha il Tribunal federal decidì. Per Vincenz munta quai: 3 onns e 9 mais praschun – sco quai che la dretgira districtuala aveva decidì il 2022. Il Tribunal suprem dal chantun Turitg aveva abolì la sentenzia cun l'argumentaziun che l'acta d'accusaziun saja stada memia detagliada. Da quest avis n'è il Tribunal federal betg. Perquai ha el tramess anavos il cas al tibunal suprem turitgais. Quel sto ussa giuditgar il cas da nov.
- Barbara Janom Steiner duai daventar nova presidenta dal cussegl d'administraziun da la Repower, quai scriva la regenza. Il chantun Grischun ed ils auters dus acziunaris gronds vulan uschia in timun pli grischun. Janom Steiner duai uschia remplazzar Monika Krüsì, ella n'è betg pli vegnida nominada perquai che sia relaziun cun il Grischun manchia. L'elecziun da Barbara Janom Steiner è mez maz a la radunanz generala da la Repower.
- Il premi da cultura dal Grischun 2025 va al poet, cumponist, chantadur e ghitarrist da Trin Walter Lietha, quai ha la regenza communitgà. Il premi è dotà cun 30'000 francs. Undrads vegnan anc ulteriuras persunas ord la cultura grischuna cun premis da renconuschientscha e da promoziun.
- Nadine Fähndrich po festivar in grond success als campiunadis mundials da passlung a Trondheim. En il sprint è la Lucernaisa currida sin rang trais e gudogna uschia bronz. Ils umens svizzers han gì pli pauc success. Valerio Grond da Tavau ha manchentà per pauc il final.
Themen in diesem Newsticker
- Cuppa svizra: Ils Young Boys èn en il mezfinal
- Victoria per il HCD cunter ils ZSC Lions
- Il castur en Engiadin'Ota ha chattà ina partenaria
- Germania: Union e SPD cumenzan discurs
- Jelmoli serra suenter 125 onns
- Israel ademplescha cunvegna da pausa da cumbat
- Cuira: incumbensa pretenda scumond da fieu artifizial
- Stadis Unids e Russia: ulteriur inscunter
- Enviern miaivel en Svizra
- Sanadad da papa Francestg sa meglierescha vinavant