- A Marmorera duai dar in nov center per requirents d'asil. Il chantun ha confermà d'avair interess da l'alloschi per gruppas «Scalotta». Oriundamain vuleva l'interpresa possessura construir abitaziuns da vacanzas. Quels plans sajan dentant suspendids. La vischnanca da Surses è infurmada davart ils plans – na po dentant betg decider en chaussa, damai ch'ella na posseda betg l'immobiglia.
- La puraglia svizra da costa cunter las mesiras da spargn da la confederaziun. Pliras organisaziuns han demonstrà sin la Plazza federala a Berna. L'agricultura na saja betg la culpa da la mancanza da daners e na dastgia betg daventar l'unfrenda d'ina politica da finanzas sbagliada.
- Il skiunz Nils Hintermann ha cancer da las glondas limfaticas e manchenta l'entira stagiun da skis da la cuppa mundiala. Bain èn ils medis optimistics ch'el vegnia a sa revegnir e ch'el possia cuntinuar cun sia carriera, ma pervi da las duas chemoterapias ed ina fasa d'irradiaziun na saja betg pussaivel da far cursas l'enviern che vegn.
- Il premi Nobel da chemia va quest onn a 3 perscrutaders da proteins. Ina mesadad va a l'American David Baker per il design da protein sustegnì dal computer e l'autra mesadad va a Demis Hassabis e John Jumper per la prognosa da structuras cumplexas da proteins.
Themen in diesem Newsticker
- Losanna è en l’8avel final da la Champions Hockey League
- Ambri gudogna a Kloten
- Clera victoria per l’EHC Arosa
- Sumvitg: Nova corporaziun
- Svizra puspè commembra dal Cussegl dals dretgs umans
- Trais quarts damain animals selvadis che anc avant 50 onns
- Nova lingia da bus tranter Mustér e Biasca
- Markus Wolf survegn sustegn dad atletas ed atlets
- Alloschi per gruppas daventa center per requirents d’asil
- Nils Hintermann ha cancer