- Il mund ha prendì cumià dal papa Francestg. Suenter la gronda ceremonia da commemoraziun sin la Plazza da son Pieder a Roma è il pontifex vegnì sepulì sin agen giavisch ordaifer il Vatican en la Basilika Santa Maria Maggiore.
- Peter Peyer duai restar cusseglier guvernativ dal Grischun. La direcziun da la Partida socialdemocratica (PS) dal Grischun ha proponì Peyer per ina terza perioda d'uffizi. Al di da partida da la PS a Claustr è questa nominaziun vegnida acceptada unanimamain.
- L’hotel Kulm a San Murezzan vul investir 125 milliuns francs en ed enturn l’edifizi istoric da tschintg stailas. Las investiziuns vegnian finanziadas ord agens meds da la gestiun, uschia il directur da l’hotel Heinz Hunkeler. Sche tut va tenor plan cumenzan las lavurs l'onn proxim e duain durar fin il 2030.
- La vischnanca da Lumnezia duai impedir che trais abitaziuns a Vella van en la speculaziun. A la radunanza communala an 124 da 128 preschents sustegnì la proposta da la suprastanza d'aquistar la chasa da pliras famgilias a l'ur dal vitg. La fatschenta drov'anc ina votaziun a l'urna. Quella a lieu il settember che vegn.
- La vischnanca da Ferrera/Schmitten stat avant grondas sfidas finanzialas. Venderdi saira ha la vischnanca, ensemen cun l'Uffizi da vischnancas dal Grischun infurmà davart scenaris futurs. In da quels – la fusiun. Las trais opziuns èn: Tavau, Bravuogn/Filisur ed Albula/Alvra.
Il di en survista
Themen in diesem Newsticker
- Cuppa svizra: Bienna cuntanscha sensaziunalmain il final
- Moscau: arrestà agent ucranais supponì suenter attatga cun bumba
- Tirchia: Arrestà pliras persunas enturn Imamoglu
- 8 persunas moran tar explosiun en l'Iran
- Ballape regiunal: resultats da la sonda
- Identificaziun da la fatscha sco pass da boarding
- Il Papa Francestg è sepulì
- Trump smanatscha cun sancziuns cunter la Russia
- Hamas para pronta per ina cunvegna da pasch
- PS nominescha Peyer per ulteriura perioda d'uffizi