-
Bild 1 von 12. Gia la bunura sa rimnavan millis cartentas e cartents per assistir la messa da sepultura. Bildquelle: SRF live.
-
Bild 2 von 12. Bildquelle: SRF live.
-
Bild 3 von 12. Il vaschè simpel vegn ora dal dom sin la plazza. Bildquelle: SRF live.
-
Bild 4 von 12. Bildquelle: Keystone.
-
Bild 5 von 12. Manar la messa maina Giovanni Battista Re (decan dal collegi dals cardinals). Bildquelle: SRF live.
-
Bild 6 von 12. Bildquelle: SRF live.
-
Bild 7 von 12. Passa 140'000 persunas sajan sin la plazza son Peder. Bildquelle: Reuters.
-
Bild 8 von 12. e la primministra da l'Italia Giorgia Meloni. Bildquelle: Keystone.
-
Bild 9 von 12. Il presdient american Donald Trump e sia First Lady Melania Trump arrivan al funeral. Bildquelle: Keystone.
-
Bild 10 von 12. Era il prinzi da Wales William è preschent. Bildquelle: Keystone.
-
Bild 11 von 12. Il clerus ha ses plaz definì sin la plazza son Peder. Bildquelle: Reuters.
-
Bild 12 von 12. Bildquelle: SRF live.
400'000 cartentas e cartents, chaustadis e monarchs da l'entir mund han piglià part messa per papa Francestg sin la plazza son Peder a Roma durant duas uras. Ils dis avant avevan radund 250'000 persunas rendì la davosa onur al papa Francestg ch'era mess en bara en il dom da son Peder.
Sepulì è papa Francestg vegnì sin agen giavisch en la basilica papala Santa Maria Maggiore - ordaifer il Vatican. Papa Francestg ha giavischà la sepultura en la basilica papala Santa Maria Maggiore – ordaifer ils mirs dal Vatican – en ina fossa simpla cun l'inscripziun «Franciscus». El veglia ina sepultura senza pomp e parada ed era suenter sia mort vegnir percepì sco simpel carstgaun.
Per la ceremonia dal funeral èn vegnidas 160 delegaziuns da l'entir mund. Quai communitgescha il secretariat statal dal Vatican. Ultra da quai era radund 50 schefs da stadi u regenza e 10 monarchs. Tranter auters èn il president american Donald Trump, il president franzos Emanuel Macron, la presidenta da la cumissiun da l'Uniun europeica Ursula von der Leyen, il president ucranais Wolodimir Selenski, il president argentin Javier Milei e la presidenta da la Confederaziun Karin Keller-Sutter stads a prender cumià da papa Francestg.
Suenter la messa sin la plazza da son Peder è il vaschè dal papa vegnì mess sin in papamobil avert. Tras las vias serradas è il convoi l'emprim charrà sur il flum Tiber e lura tras il center istoric da Roma, sur la Piazza Venezia fin al Forum Romanum ed il monument il pli caracterisitc da la citad, il Colosseum. Finalmain ha il vaschè cuntanschì suenter ina mes'ura la baselgia preferida da Francestg – la Santa Maria Maggiore. Il til da bara da Papa Francestg tras Roma han tenor stimaziun dal Vatican persequità var 150'000 persunas a l'ur da la via.
Ils paupers han in plaz priviligià en il cor da Dieu.
Enfin la fin en la tradiziun da son Francestg: Per la ceremonia èn sin giavisch expressiv era stadas preschentas persunas main bainstantas ed han flancà la processiun sin la stgala a la basilica papala Santa Maria Maggiore per render la davosa onur a papa Francestg, scriva il Vatican e punctuescha la maxima dal papa defunct. Papa Francestg aveva dà instrucziuns detagliadas per la sepultura en ses testament. Uschia na vegn el betg mess en bara sco ses antecessurs en la baselgia da Son Peder, sin l'uschenumnà Katafalk.
Co vai suenter la sepultura vinavant?
Il successur vegn tschertgà: Suenter il funeral èsi da nominar in successur. Dretg d'eleger han ils cardinals che n’han anc betg 80 onns. Quai èn 141 cardinals (stadi december 2024). A quels appartegnan dus cardinals da la Svizra, Kurt Koch ed Emil Paul Tscherrig. Ensemen cun ils auters cardinals cun dretg d’eleger vegnan els ad eleger il papa nov.
Conclave: Pli baud durava quai mintgamai emnas fin ch'ils cardinals da tut il mund eran viagiads a Roma. Oz è quai pussaivel entaifer paucs dis. Per regla cumenza in conclave 15 fin 20 dis suenter la mort dal papa. L'elecziun vegn fatga en l'uschenumnà conclave che ha lieu davos portas serradas en la chaplutta sixtina en il Vatican. Ils cardinals èn cumplettamain isolads dal mund exteriur – per evitar ch'els vegnian influenzads. Là restan els fin ch'igl èn d'accord tgi che duai daventar il nov parsura da la baselgia catolica. Durant quest temp n'èsi betg lubì als cardinals d'avair contact cun persunas ordaifer dal conclave. Era gasettas, televisiuns e radios èn scumandads.
Fim nair u alv: suenter mintga scrutini communitgeschan ils cardinals cun segns da fim, sch'els han gia elegì in nov papa. Fim nair vul dir: anc nagin ha cuntanschì la maioritad necessaria da dus terzs. Fim alv percunter mussa: l'elecziun ha gì success. Savens dovri numerus scrutinis ed in conclave po durar plirs dis.
Nov papa cumpara sin la plazza da Son Peder: Tgi ch’è il nov Pontifex Maximus, vegn il mund a savair live sin la plazza da Son Peder, curt suenter sia elecziun. Sin la loggia (sin balcun) da la baselgia da Son Peder cumpara il nov elegì gia en il vestgì papal. El vegn annunzià cun ils pleds latins: habemus papam – nus avain in papa.
Sco favurit per la successiun da papa Francestg vala per blers il cardinal talian Pietro Parolin. Il spiritual da 70 onns ha assistì a papa Francestg gia dapi var 10 onns sco secretari dal stadi cardinal. Là era Parolin responsabel per la diplomazia internaziunala.
Igl è dentant fitg grev da prevesair la decisiun da la proxima elecziun, perquai ch'i ha uschè blers cardinals novs en il conclave.