Delores Waser Balmer lavura actualmain per l'Uvestgieu Son Gagl. Ella è tgirunza diplomada cun plirs perfecziunaments, tranter auter en il management da servetschs socials ubain en la psichiatria d'uffants e giuvenils. En l'Uvestgieu Son Gagl era ella dal 2016 fin 2021 la persuna da contact per cas d'abus sexual.
Elena Anita Furrer ha studegià teologia sco er dretg e scienza d'islam. Plinavant fa ella in perfecziunament davart cussegliaziun. Tar l'armada Svizra lavura ella per la furmaziun da novs spirituals.
Dapi l'avust 2020, respectivamain october 2019, èn experts da prevenziun en uffizi per l’Uvestgieu da Cuira. Tar las incumbensas vai d'ina vart per crear in concept da protecziun per l'integritad mentala, spiertala e corporala. Plinavant vai per sensibilisar e scolar persunas davart structuras e privels en quest connex.
Demissiun da Stefan Loppacher
La fin da matg ha l'incumbensà fin uss, Stefan Loppacher, inoltrà sia demissiun per la fin d'avust pervi da differenzas pertutgant la prevenziun da l'abus sexual en la Baselgia catolica. Sco quai che l'uvestg aveva ditg envers RTR, saja Loppacher bain loial quai che pertutgia sia lavur sco incumbensà per la prevenziun – el haja però ina tenuta distanziada envers la Baselgia catolica. L'uvestg, spetgia ch'in collavuratur sa mussia era loial envers la baselgia.
Adattà al tema
