Dapi in temp scriva la Sanasurselva, la corporaziun da vischnancas ch'è responsabla per garantir il provediment da sanadad en Surselva, adina puspè lingias grassas. L'ultim temp han gist trais commembers dà giu lur posts en suprastanza.
En il center da la discussiun na duessan dentant betg ils virivaris en suprastanza star, mabain co ch'il provediment da sanadad en la regiun duai guardar or en l'avegnir: Tge purschidas èn necessarias? Da tge pudess'ins desister? Tge è impurtant a Vus? RTR vul sentir il puls da la populaziun e tge che giascha a cor. As participai a l'enquista enfin dumengia saira, ils 23 da favrer. Las respostas datti l'autra emna sin rtr.ch
