A l'emprima badigliada a la Pulvermühlestrasse a Cuira han la cussegliera guvernativa Carmelia Maissen e la presidenta dal cussegl da la scol'auta Brigitta Gadient beneventà divers giasts. Tenor Carmelia Maissen duai il campus da la Scola auta spezialisada FHGR daventar in lieu d'identificaziun, ed era in spazi da scolaziun, perscrutaziun e lavur per las generaziuns vegnentas dal chantun. In spazi attractiv ed orientà vers l'avegnir.
La scol'auta è ozendi sparpigliada sin tschintg lieus en 9 bajetgs en la citad da Cuira. Tut quests lieus duess il nov edifizi reunir ad in spazi da scolaziun e perscrutaziun.
Uschia datti cundiziuns idealas per il scomi interdisciplinar – e spazi per projects innovativs e novs puncts da partenza.
Avant circa 10 onns ha il Cussegl grond incumbensà la regenza da sclerir las premissas per in center da scol'auta per la Scola auta spezialisada. Avant dus onns ha il Cussegl grond lura approvà il credit d'impegn da 151 milliuns francs, ed il mars 2023 han passa 83 pertschient da las votantas e dals votants dal
Grischun ditg Gea al project
. Cun integrar la renovaziun da l'edifizi existent da la scol'auta quinta il chantun cun custs totals da 178 milliuns francs, ils ulteriurs 27 milliuns derivan da la Confederaziun.
-
Bild 1 von 4Legenda: Giuliani Hönger Architekten AG
-
Bild 2 von 4Legenda: Giuliani Hönger Architekten AG
-
Bild 3 von 4Legenda: Giuliani Hönger Architekten AG
-
Bild 4 von 4Legenda: Giuliani Hönger Architekten AG
Lain or da guauds grischuns
Il nov edifizi vegn planisà en moda persistenta e cun duvrar las materialias las pli adattadas duain vegnir spargnadas resursas. Uschia ha la construcziun ibrida da lain e da betun emissiuns da CO₂ bler pli bassas ch'ina moda da construcziun massiva, e stgaffescha a medem temp in'auta qualitad da preschientscha en ils locals interns.