Per arrivar a Livigno datti trais vias: In pass davent da Bormio, il tunnel «Munt la Schera» davent dal Pass dal Furn e la Forcola di Livigno. La forcola è dentant serrada sur enviern – er perquai ch'il Grischun na vul betg investir en la part svizra da la via. Bler traffic vegn pia a passar atras il tunnel Munt la Schera.
Mintga di d'occurrenza vegni a dar var 10'000 persunas che vulan ir a Livigno, uschia il inschignier chantunal Reto Knuchel. «Nus quintain che 20 fin 30% da la glieud fa il viadi sur la Svizra», di il cun-responsabel per il concept da traffic envers il schurnal regiunal da SRF. Sche 2'000 fin 3'000 persunas dapli van atras il tunnel – ch'ha dal rest be in vial ed in sistem d'ampla – na sa laschan colonnas betg evitar.
Soluziun: Park-and-Ride
Per evitar in collaps dal traffic, stoppian ins metter sin il traffic public. En la Val Müstair ed a Zernez vegni a dar plazzas da parcar per ils autos. Da là van lura bus e shuttles atras il tunnel fin a Livigno. Quai saja almain il plan. Ma malgrà autos da posta, èn las capacitads dal tunnel limitadas. «I vegn stretg», uschia l’inschignier chantunal.
Actualmain na saja dentant anc betg cler, sche persunas privatas pon insumma far il viadi cun l'auto fin a Livigno. Tut tenor vegni er obligatori dad ir cun traffic public. Ils detagls davart il concept da traffic vegnian sclerids ils proxims mais.
Adattà al tema