La finamira da l'Italia saja dad esser a fin cun las lavurs sin l'entschatta dals gieus olimpics d'enviern il 2026. A Livigno han lieu tut las concurrenzas da freestyle.
Far investiziuns e sanar la via da la vart grischuna na saja dentant nagin tema, di la cussegliera guvernativa responsabla, Carmelia Maissen envers RTR. 50-100 milliuns francs stuessian vegnir investids per propi pudair garantir in nivel acceptabel pertutgant la segirtad per avrir la Forcola era pli ditg sur l'enviern.
Livigno ha spezialmain l'enviern in problem da colliaziun. Cun la Forcola è serrada restan mo anc dus access en vischnanca. Via Bormio e sur Zernez atras il tunnel Munt la Schera. Dus access stretgs, lungs. Per la colliaziun atras il Munt La Schera è il chantun actualmain vi d'elavurar in concept per evitar in collaps da traffic da la vart da Zernez durant ils gieus olimpics.
