En diversas vischnancas en Grischun datti problems da chattar ina presidenta u in president communal, ma en Val Müstair èn gist trais persunas sa messas a disposiziun.
Entant che Ivo Lamprecht ha constatà ch’el vegn betg sustegnì da la populaziun per daventar president, han Thomas Schadegg e la presidenta en uffizi Gabriella Binkert-Bechetti cumbattì enavant per il sez. Durant ina discussiun da podium a Sta. Maria èn els sa preschentads. A quella discussiun ha la populaziun constatà co che la lavur en il cussegl communal funcziuna.
Betg effizient, dictatoric e senza concept
Thomas Schadegg ha crititgà la presidenta en uffizi ch’ella mainia las sedutas senza plan e concept.
Nus discutain durant ina seduta co chastiar ina persuna che ha bittà in faus satg da merda en il moloc.
Sche la lavur na vegn betg fatga – ston ins insister
Ma era la presidenta Gabriella Binkert-Bechetti ha crititgà. La suprastanza sto surprender responsabladad e far las lavurs e projects a temp util. Sche quai na funcziuna betg èsi impurtant da cloccar sin maisa.
La suprastanza sto surprender responsabladad e far las lavurs e projects a temp util. Sche quai na funcziuna betg èsi impurtant da cloccar sin maisa.
La votaziun ha finalmain mussà in cler purtret
En l'emprim scrutini ha Gabriella Binkert-Bechetti gì 361 vuschs, mo ina vusch mancava per vegnir elegida. Thomas Schadegg ha fatg 218 vuschs. Tar il segund scrutini èsi alura stà cler, Gabriella Binkert-Bechetti ha fatg in cler resultat cun 507 vuschs encunter Thomas Schadegg cun 278 vuschs.
Gabriella Binkert-Bechetti è cun quai vegnida reelegida per la perioda d’uffizi 2025 – 2028.
