Per spargnar raps, ma tuttina pudair giudair bellas vacanzas, decidan duas famiglias da parter in'abitaziun da vacanzas. Bain svelt constateschan las duas famiglias dentant ch’ellas n'èn betg cumpatiblas, betg adattadas per viver ensemen tranter quatter paraids. La situaziun escalescha adina pli fitg. Las duas famiglias fan reproschas ina a l'autra, ma èn constant sfurzadas da chattar in consens per cuntinuar las vacanzas.
Finalmain s’inamureschan il figl e la figlia da las duas famiglias. Cunquai daventa l'entira situaziun anc ina giada pli cumplitgada. Empè da vacanzas da recreaziun datti vacanzas plain malencletgas, dispitas e disfidanzas.
Il paradis da vacanzas
-
Bild 1 von 4. Las famiglias Corv e Hector en vacanzas. Bildquelle: RTR.
-
Bild 2 von 4. Adina puspè virivaris tranter las famiglias. Bildquelle: RTR.
-
Bild 3 von 4. Ils dus babs da las famiglias èn turnads da l’ustaria. Bildquelle: RTR.
-
Bild 4 von 4. Artur Hector baiva memia bler e procura per dispitas. Bildquelle: RTR.
Cun tut la situaziun actuala e guerras sin il mund, hai jau il sentiment che la glieud ama da vegnir a guardar teater.
Benno Pardeller ha decis da restar per l’emprima giada davos las culissas. Durant ils davos 30 onns ha el giugà blers teaters. Ma quest’onn ha el finalmain decis da far la reschia. Novas acturas ed acturs stattan era sin il palc. E da quels giogan quatter persunas per l’emprima giada. Quai fa grond plaschair al reschissur Pardeller.