L'idea da construir in center d'innovaziun en l'Engiadin'Ota è gia daditg avant maun. Ils emprims inscunters dals iniziants hai dà tranter il 2015-2017. Dapi lura hai duvrà differentas decisiuns politicas enfin ch'i vegn a l'emprima badigliada da l'InnHub a La Punt. Sco quai ch'ils responsabels scrivan en ina communicaziun duain las lavurs da construcziun cumenzar definitivamain la primavaira. Il campus da l'architect da renum mundial Norman Foster duai avrir sias portas la fin dal 2028.
-
Bild 1 von 3. Bildquelle: InnHub.
-
Bild 2 von 3. Bildquelle: InnHub.
-
Bild 3 von 3. Bildquelle: InnHub.
Lieu da crear, da sa barattar e s'inscuntrar
L'InnHub duai daventar lieu d'inscunter e transfurmaziun per persunas indigenas, giasts da vacanzas ed interprendiders da tut il mund. L'edifizi ch'è sin 7'700 meters quadrat cumpiglia stanzas da conferenza, stanzas da co-working, chombras da hotel, abitaziuns, areal da sport, restaurant sco er il nov biro da turissem da La Punt.
Per la vischnanca da La Punt-Chamues-ch saja l'InnHub in grond pass per il svilup, uschia ils responsabels. Il campus duai esser avert tut l'onn e stgaffir 50 plazzas da lavur.