Tar l'InnHub Day è la community vegnida infurmada, tranter blers auters temas, dal stadi dal fabricat. L'InnHub duaja esser quel lieu, nua ch'i vegn stgaffì innovaziun, ma era in lieu d’inscunter tranter partenaris e firmas da l'entir mund. Partenaris cun medemas ideas duajan avair la pussaivladad da sa radunar là e chattar ensemen bunas soluziuns. La sfida saja ussa da chattar bunas soluziuns per il fabricat da l'InnHub.
Uschè in project dovra temp, tranter vulair entschaiver e pudair entschaiver passa ina massa temp, nus sperain però d’entschaiver il proxim onn cun la construcziun.
Las ideas e visiuns da radund 50 investiders ston ins resguardar e pruvar d’integrar en il project. Actualmain èn ins en la davosa fasa da svilup, lura duajan tut las ideas vegnir integradas en la planisaziun. Tenor Urs Simeon han ins la speranza da cumenzar il proxim onn cun la construcziun.