Previs era da cumenzar cun la construcziun da l'InnHub a La Punt-Chamues-ch la primavaira 2024. Ma cun surlavurar il preventiv han ins constatà ch'il project vegn a custar dapli ch'ils 90 milliuns francs previs. Perquai han ils responsabels da l'InnHub decis da spustar il termin sin primavaira 2025.
Dad ina vart ins vulan ins spargnar cun adattar il project existent. Oravant tut vulan ins engrondir la part hotel e gastronomia e realisar damain emprimas abitaziuns, quai cun la finamira d’avair dapli traffic en chasa. Da l’autra vart prevesan ins però era dad ir en tschertga dad ulteriurs meds finanzials. Tenor Jon Erni, commember da la direcziun, èsi impurtant d’avair segirà las finanzas avant che cumenzar cun la construcziun.
L’entschatta da las lavurs da construcziun è previsa la primavaira 2025 e l’avertura duai avair lieu il 2028.
