Analisa: success da Donald Trump
La via da success dal republican è stada simpla. El ha fatg cumbat electoral cun ils temas che muventan la populaziun. Concret munta quai: per l'immigraziun illegala nua ch'el ha empermess ch'el «fetschia urden» e cun l'economia d'inflaziun, nua ch'el ha empermess che benzin u electricitad vegn pli favuraivel cun el sco president. El veglia en emprima lingia guardar per ils Stadis Unids e lura per il rest. Quai è puspè stada la via da success da Donald Trump.
Disdì percunter ha Kamala Harris. Ella n'è las ultimas emnas simplamain betg stada palpabla e n'è er betg vegnida da sa differenziar da Joe Biden. Bain ha ella ditg ch'ella saja autra, dentant n'è ella betg vegnida da mussar quai concret. Be d'esser cunter Trump, da vulair esser ina presidenta per tut ils Americans e las Americanas e da vulair stgaffir il dretg per aborts sin plaun naziunal, na tanscha betg per daventar presidenta.
Tge resta? A la gronda part da la populaziun americana pari d'esser tuttina tge ch'ina persuna fa en la vita privata e tge sbagls e scandals ch'ella ha en il satgados. Impurtant è tge ch'il president empermetta e sias visiuns per meglierar la vita da la populaziun.
Anna Selina Quinter
redactura e moderatura
Il di da l'elecziun en survista
Themen in diesem Newsticker
- Presidenta da la Confederaziun Amherd gratulescha
- Trump returna en la Chasa Alva
- Reacziuns da la politica svizra
- USA–UE: von der Leyen e Michel gratuleschan
- È Trump uss president?
- Gratulaziuns a Trump
- Tge muntass in'ulteriura giada Trump per la Svizra ed il mund?
- Donald Trump sa declera sco president
- Trump gudogna a Pennsylvania
- Fox News declera Trump sco victur
Las medias americanas communitgeschan l'emprim il victur u la victura sin fundament d'enquistas electoralas u d'atgnas calculaziuns. RTR sa referescha primarmain a las indicaziuns da l'emettur CNN. Il resultat final definitiv vegn pir ad esser cler, cura che tut las vuschs en ils stadis federativs èn dumbradas. Quai po durar plirs dis.
