Dapi 2022 ha il rapper da la Svizra franzosa gia publitgà dus albums. Ses stil da musica è inspirà da musicists internaziunals sco per exempel Orelsan e Stromae. En ses texts sa fatschenta l’artist da Genevra cun temas actuals che fatschentan ed irriteschan la societad. Avant trais onns ha el pudì festivar ses emprim success cun la single «Mieux» che ha cuntanschì var 220’00 streams sin Spotify. Cun «Regardez-moi» suonda uss in’ulteriura single ch’è vegnida tschernida per l’acziun Mx3 – tuts per in dal schaner 2025. Durant l’entir mais mais è la chanzun uss d’udir en ils radios da RTR, SRF3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch .
