Musica per giudair, musica el stil da “Dreampop” – pia musica per sa siemiar dentant era musica che duaja far sautar – quai emprova la gruppa Softlander da cuntanscher. Tranter auter cun lur chanzun «California» ch’è uss vegnì elegì per l’acziun “Mx3 – tuts per in” dal november. Lur album da debut «Get On Board» è cumparì l’atun 2022. Ed era sper il project Softlander èn ils giuvens da la band activs. Els sunan en differentas furmaziuns, tranter auter tar Dino Brandao, Alois e Jon Hood.
Per l’entir mais è la chanzun «California» uss d’udir en ils radios da RTR, SRF3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
