Els èn vegnì tschernids da l’acziun Mx3 – tuts per in e pon preschentar lur single durant il fanadur en l’entira Svizra.
L’inspiraziun da lur musica vegnì d’ina vart da gruppas pli veglias sco per exempel The Kinks e The Velvet Underground e da l’autra da gruppas actualas sco Arctic Monkeys ed Rex Orange County. La gruppa sco tala datti pir dapi la primavaira 2023. Ils commembers han tuttina gia pudì rimnar experientschas en diversas bands. Strusch fundà ha la gruppa dal Soloturn gia publitgà lur album da debut «On Monte Verita». Per il mument è la band giuvna da viadi per promover quai album. Ina da las chanzuns ch’els vegnan a sunar durant quels concerts è «I Believe In You» ch’è la selecziun per l’acziun Mx3 – tuts per in dal fanadur. Uschia è la chanzun uss d’udir per l’entir fanadur en ils radios da RTR, SRF3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
