Cumenzà hai il 2018 cun la chantadura Romina Kalsi da Lugano. Curt suenter è Tobias Granbacka da Stockholm vegnì vitiers – in’enconuschientscha da l’Austra. In bun ami finlandais da Tobias, numnadamain Daniel Fagerudd ha be in onn pli tard cumplettà la gruppa. Live vegnan normalmain anc dus vitiers: Nelide Bandello vi da la battaria ed Eveline Lucchini vi dal bass. Era lur chanzun actuala «River» è puspè ina collavuraziun tranter Stockholm, la Finlanda e Lugano. Per il mais d’avust è la chanzun uss d’udir en ils radios da RTR, SRF3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
