Eileen Alister – Paperhearts
Per il mars 2025 preschenta Eileen Alister da Turitg sia chanzun «Paperhearts». Dapi bun in onn publitgescha ella sco musicista da solo sia atgna musica ch’è oravant tut pop en differentas fassettas. Ina giada pli stgir ed in’autra pli ventiraivel e cuntent. En «Paperhearts» – il cor da palpiri – chanta Eileen Alister da la fin d’ina relaziun. Il maletg dal cor da palpiri saja per ella ideals per descriver quella situaziun instabila. Tuttina na duai la chanzun betg esser trista e melanconica mabain raquintar ord ina perspectiva positiva e plain speranza. Per il futur ha la chantadura planisà da publitgar vinavant musica nova ed ella lavuri era vid sia emprima EP. Sco emprim sa ella uss dentant preschentar sia single actuala en l’entira Svizra en ils radios da RTR, SRF3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
