Omisdus – Per tei
Tge capità sche dus buns amis, in dal Grischun ed in da Berna, fan ensemen musica? Il resultat èn chanzuns plain plaschair da viver. Dapi 2016 fan Gino Carigiet da Siat e David Friedli da Berna ensemen musica. L’emprima single da l’album che cumpara quest onn è «Per tei». Ina chanzun ch’els na levan atgnamain mai scriver uschia. Perquai che la gruppa na leva atgnamain mai scriver ina chanzun d’amur. Tuttina raquinta «Per tei» d’ina amur tut speziala, ina che va mai a fin e che tegn la dira tuttina tge problems che la vita porta. Per il start en l’onn nov sa il duo «Omsidus» rumantsch/bernais uss preschentar questa single en l’entira Svizra en ils radios da RTR, SRF3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
Per il duo saja quai ina gronda schanza da pudair sunar sin dapli tribunas tar festivals ed en clubs en la Svizra. Quai ha Gino Carigiet tradì en l'intervista.
