Dapi l’atun 2024 pon ins mangiar gist davos l’opera da Turitg quai che vegn descrit sco «charn alpina». La mazlaria Hatecke ha avert cun «Hatecke Du Théâtre» la sisavla butia – quatter filialas datti en l'Engiadina, la nova è la segunda a Turitg. En quella nova filiala visita RTR David Hatecke. El è il figl da Ludwig Hatecke, ch'è sez mazler en la terza generaziun e maina las butias a Turitg sco era quella a San Murezzan. David Hatecke è plinavant responsabel per tut las spaisas ed ils recepts.
«Hatecke Du Théâtre»
-
Bild 1 von 5Legenda: «Hatecke Du Théâtre» en dadens RTR -
Bild 2 von 5Legenda: David Hatecke taglia charn setga RTR
-
Bild 3 von 5Legenda: David Hatecke e la squadra dal di en la mazlaria RTR
-
Bild 4 von 5Legenda: «Hatecke Du Théâtre» da dador RTR
-
Bild 5 von 5Legenda: Cuschinunz e mazler: David Hatecke Il scussal ner e la chamischa alva porta tut la squadra en las mazlarias Hatecke. RTR
Tgi è David Hatecke?
David Hatecke è nat e creschì si a Scuol. Il figl d'ina mamma bavaraisa e d’in bab engiadinais è s’interessà gia dapi giuven per la cuschina. Visitas en restaurants da clients da la mazlaria Hatecke sco era la cuschina da la tatta tudestga hajan inspirà ses gust.
Gia sco uffant hai jau cuschinà ensemen cun mia tatta en la Germania.
Suenter la scola ha l’Engiadinais fatg il giarsunadi sco cuschinunz en il «Restaurant Chastè» a Tarasp, silsuenter in practicum tar il «Grill-Ueli» en il Globus Turitg ed ha la finala cumenzà tar l'affar da famiglia en la mazlaria. Ses bab, Ludwig Hatecke, è plitost il tgau creativ davos ils products da charn sco la charn setga ed ils salsiz. David ha persuenter creà ils recepts e fabritgà la part gastronomica da las butias Hatecke. Tgi che David Hatecke è privat e co el ticca culinaricamain udis qua:
La salata d'enviern
L'emprim plat che David Hatecke preschenta è la salata d'enviern. Sia creaziun è da prender ina salata tenor gust, garnida cun pulpa u charn secca tagliada fin, vitiers vegn chaschiel chaura luà en furn. Il cuschinier engiadinais cumplettescha la salata gugent cun fritgs u legums. Per dar ina nota frestga per exempel cun maila, tomatas «konfiert» e giglidra. Las tomatas n'èn dentant betg crivas mabain van per trais enfin quatter uras en furn a bassa temperatura. Il recept per quellas chattais giusut. Cumplettà vegn il recept cun ieli d'olivas e da sem-zitga ed aschieu da pairs, sal e paiver.
La salata d'enviern da David Hatecke
-
Bild 1 von 6Legenda: Tranter la pulpa vegn ina salata tenor gust Sin la salata vegn sal, paiver, ieli d'olivas e da sem-zitga ed aschieu da pairs. RTR
-
Bild 2 von 6Legenda: Il chaschiel chaura vegn luà 5 minuts tar 180 grads RTR
-
Bild 3 von 6Legenda: Suenter garnir la salata cun maila seguan las tomatas I sa tratta da tomatas «konfiert». Il recept per quellas chattais en la boxa giusut. RTR
-
Bild 4 von 6Legenda: Sco ultim datti anc in tschadun giglidra conservada RTR
-
Bild 5 von 6Legenda: La salata d'enviern da David Hatecke RTR
-
Bild 6 von 6Legenda: La salata d'enviern da David Hatecke RTR
Il carpaccio al forno cun lardo
Per il segund recept da la cuschina dal schaner segua David Hatecke al credo da duvrar paucas ingredienzas d'auta qualitad per crear la fin ina tratga deliziusa. Per in carpaccio classic dovri ensasez be la charn, sal, paiver, ieli e limun. Il carpaccio al forno da Hatecke è dentant in zic pli spezial.
Carpaccio al forno cun lardo
-
Bild 1 von 10Legenda: Repartir il ieli, limun, sal e paiver sin la charn RTR
-
Bild 2 von 10Legenda: Per il carpaccio piglia David Hatecke il filet da bov Il segund toc charn da senester è il filet da bov. Tar ina mazlaria pon ins postar per ina porziun Carpaccio 150 grams en flettas finas. RTR
-
Bild 3 von 10Legenda: Sin il Carpaccio vegnan intginas flettas dal lardo Il lardo sto esser taglià fin, uschia ch'ins vesa bunamain tras. Era quel pon ins postar tar ina mazlaria. RTR
-
Bild 4 von 10Legenda: David Hatecke taglia e reparta il lardo. RTR
-
Bild 5 von 10Legenda: David Hatecke cun il Lardo avant la paraid da marrmor. Il lardo vegn da Colonnata en l'italia. Là vegn el madirà en vaschs da marmor local. RTR
-
Bild 6 von 10Legenda: Il lardo da Colonnata (IT) RTR
-
Bild 7 von 10Legenda: Suenter il lardo segua parmesan RTR
-
Bild 8 von 10Legenda: Il carpaccio va per 45 secundas tar 260 grads en il furnel Important è che la charn resta criva, il lardo ed il parmesan dastgan dentant luar. RTR
-
Bild 9 von 10Legenda: Il furnel ha num Roberta RTR
-
Bild 10 von 10Legenda: La tratga finala vegn servida cun paun e paintg Tar il carpaccio pon ins baiver in magiel vin cotschen, na betg memia ferm. Il vin na duai betg dominar il gust da la charn. RTR
Conservar sco en l'italia – a moda moderna
Per l'ultima episoda da nossa cuschina dal schaner datti in tip per conservar tratgas. En la mazlaria Hatecke a Scuol na vegn numnadamain betg mo mazzà ma era cuschinà. Liters da schuppas e kilos da gulaschs, brasatos ed autras tratgas vegnan preproducidas per vender ellas sco tratgas da «convenience food» en las filialas Hatecke. Pia sco tratgas precuschinadas ch'ins po stgaudar a chasa. Tenor studis dad Alix Partners dattan Svizras e Svizzers or 4,5 milliardas francs per tratgas precuschinadas. E quella cifra s'augmentia mintg'onn per 4%. La gronda dumonda da talas tratgas senta era la mazlaria Hatecke.
En l'Italia conservesch'ins tomatas madiras en furma da sugo per mangiar ellas durant l'enviern, nus conservain tratgas cuschinadas oravant.
En la mazlaria vegnan tuttas tratgas cuschinadas e vacumadas en satgets sterils. Tocs da charn tegnian uschia enfin in'emna, tratgas sco schuppas fin trais mais. Quai san ins dentant era far a chasa. Simplamain redimensiunar la receptura e suenter seguir als pass giusut.
Il «convenience food» – trats per stgaudar a chasa
-
Bild 1 von 3Legenda: Schuppas, sosas, fratems, brasatos Cun etichetta alva dal resturant Chasté, nua che David Hatecke ha fatg il giarsunadi. Cun etichetta blaua ils agens prodots da Hatecke RTR
-
Bild 2 von 3Legenda: La vart sanestra da la teca Chaschiel, «convenience food» e caviar RTR
-
Bild 3 von 3Legenda: La vart dreta da la teca Salsiz, charn setgentada, charn frestga RTR