«I dovra idealissem e sustegn da la famiglia»
Manuela Orlik charezza da far regals a sia famiglia. In grond regal en furma da ospitalitad e cordialitad porscha l'ustiera dal Miraval a S. Benedetg a sia clientella.
Ina festa per egl e palat
-
Bild 1 von 12. Manuela Orlik: «Jau sun ustiera cun corp ed olma». Aperitiv festiv per duas persunas. Bun appetit e viva! Bildquelle: Toni Orlik.
-
Bild 2 von 12. Manuela Orlik e ses um Anton Orlik lavuran maun en maun. Manuela Orlilk è la scheffa en cuschina, ses um Toni è schef da servis en l'ustaria Miraval a S.Benedetg. Bildquelle: RTR.
-
Bild 3 von 12. Panorama da l'ustaria Miraval a S. Benedetg. La terrassa da l'ustaria Miraval è averta era durant la stagiun d'enviern. Bildquelle: RTR.
-
Bild 4 von 12. En il Miraval a S. Bendetg vegn servì frestg e regiunal. Delicatessas per l'aperitiv da la cuschina da Manuela Orlik. Bildquelle: Manuela Orlik.
-
Bild 5 von 12. Té da fritgs d'enviern per bellas uras durant l'advent. Manuela Orlik preschenta cun bler'amur il té. Bildquelle: RTR.
-
Bild 6 von 12. Maschaidas da té per tut ils gusts tar «Tea Time By Miraval». Manuela Orlik maina er ina interpresa da maschaidas da té. Bildquelle: RTR.
-
Bild 7 von 12. Decoraziun è in element fitg impurtant per Manuela Orlik. Festas da famiglia, tschainas d'interpresas u per uniuns. Manuela Orlik è responsabla per il bainstar dal giast. Bildquelle: Manuela Orlik.
-
Bild 8 von 12. Amur per il detagl. «Il giast duai survegnir il meglier tar nus». Bildquelle: RTR.
-
Bild 9 von 12. Manuela Orlik: «Sch'il giast è cuntent sun era jau cuntenta». L'ustiera dal Miraval lavura bler e gugent per ses giasts. Bildquelle: Toni Orlik.
-
Bild 10 von 12. Ina schuppa u in bel plat salata sco prespaisa? L'ustiera dal Miraval dat gronda paisa sin la preschentaziun dal plat. Bildquelle: Manuela Orlik.
-
Bild 11 von 12. «Manus Cordon-bleu» ina da las spezialitads dal Miraval. «Da mes cordon-bleus sun jau superbia. Il recept è in secret». Bildquelle: Manuela Orlik.
-
Bild 12 von 12. Menu da dumengias. Pertge betg in toc charn? Il plat decorativ. Scadin plat vegn controllà da Manuela Orlik avant che bandunar la cuschina. Bildquelle: Manuela Orlik.
Suenter ch'ils geniturs Martha e Lucas Fry han manà sur decennis l'ustaria odim il crest a S. Benedetg, ha Manuela Orlik fatg in'emprima emprova da surpigliar il manaschi gastronomic il cumenzament dals onns 90, ma il temp per sia famiglia mancava. Uschia ha Manuela Orlik dà a fit l'ustaria durant 20 onns. Dapi l'onn 2017 maina ella uss puspè sezza l'ustaria Miraval e quai cun success.
Al cumenzament hai jau vulì porscher ina canorta per indigens e giasts, jau sun surpraisa dal resultat.
Il concept da star en ustaria da la damaun enfin la saira, na consteva betg per Manuela Orlik. Uschia ha ella chattà in concept sin mesira che constat sin tut la lingia. «Via medias socialas poss jau infurmar mia clientella cura che l'ustaria è averta e tge purschida culinarica che spetga», declara Manuela Orlik. Uschia possia ella planisar sia lavur. Manar ozendi ina ustaria munta grond engaschi ed idealissem e senza agid da ses um Toni en il servis, na fiss quai betg pussaivel.
Jau charez da passentar bleras uras en cuschina. Quai ha insatge meditativ.
Sper sia lavur sco ustiera, è Manuela Orlik model per magazins da moda ed ella maina ina interpresa da té:
«Tea Time by Miraval». Sias maschaidas da té en tschertgadas en hotels, chasas d'attempads, ustarias e stizuns era sur cunfins grischuns. «L'interpresa da té è mes pop», di Manuela Orlik. En sia ustaria porscha ella bain té. Ma la vaira calamita dal Miraval è sia cuschina regiunala classic-moderna e sia ospitalitad.
Manuela Orlik è ina cuschinunza creativa ed ina perfecziunista. Agid en cuschina survegn ella da sia mamma Martha (91) e da gidantras dal conturn. «En cuschina sun jau en mes mund, lura na support jau betg sgnoccas, plinavant sto il plat esser perfetg avant che bandunar la cuschina», di Manuela Orlik.
En «Nossa cuschina» dal december ans tradescha Manuela Orlik il caracter e las spezialitads da sia ustaria Miraval a S. Benedetg. Ella ans declera tge che ses giasts pon spetgar la saira da fin da l'onn e tge ritual che ella ha surpiglià da ses bab barmier.
«Nossa cuschina», adina las mesemnas tranter las 9:00 e 10:30.