Nossa cuschina dal november - Spaisas da la cuschina surmirana

Dapi la stad dal 2019 è Fadri Arpagaus possessur dal Berghuus a Radons en il Surmeir – in'ustaria da lunga tradiziun. Il 2020 ha el transfurmà l'ustaria en in albiert luxerius.

Per l'emissiun dal november descriva Fadri Arpagaus – ch'è oriund da Savognin – la deliziusadad dals raviauls surmirans, co che la schuppa da Son Giera è vegnida inventada e tge tratga che vegn era numnada Schmulo.

1 / 4

2 / 4

3 / 4

4 / 4

Raviauls da la tatta

Quest recept è in classicher da la cuschina surmirana. Igl è ina spaisa tipica che vegniva servida tar dis pli impurtants. 

audio

Fadri Arpagaus cuschina ravieuls da la tatta

05:15 min, ord Nossa cuschina dals 06.11.2024. Maletg: berghuus.ch

laschar ir. Durada: 5 minutas 15 Secundas.

1. Maschadar la farina cun il sal. Agiuntar l'ov e maschadar tut las ingredienzas. Empastar la massa cun agiuntar plaun a plaun aua. Laschar ruassar la pasta per 30 min.
2. Sgrattar il paun alv, brassar en paintg e dar en ina cuppa.
3. Tagliar fin la verdura, coier en paintg, laschar sfardentar e maschadar ensemen cun il pain alv, il chaschiel, la groma ed il latg. Cungdir la emplenida cun sal, paiver e nusch-mustgat.
4. Rasar or bain la pasta, emplenir ella cun la emplenida, bagnar cun pauca aua ils  urs cun in penel, metter ensemen la pasta e tagliar ils singuls raviauls.
5. Laschar coier curt ils raviauls en aua buglienta, sguttar e cundir tenor gust cun sal e paiver.

La schuppa da Son Giera

Era las vischnancas da la regiun Surmeir han savens recepts spezials. Quà (p.ex. a Salouf) n'avevan las perdunanzas betg mo ina funcziun religiusa mabain era culinarica.

1. Truschar levet ed agiuntar alternond la farina, ils ovs e cundir.
2. Laschar pussar 30 minutas.
3. Cun dus tschaduns far gnocs sco nuschs e laschar coier levet circa 5 minutas en il buglion.
4. Empruvar l’emprim da coier in gnoc, sche quel scroda ston ins agiuntar anc in pau farina.

Schmulo

In simpel past sin las aclas era la primavaira il Schmulo. Igl è in recept fitg simpel e delicius!

1. Maschadar tut las ingredienzas e far ina pasta in zic pli dira che per omlettas.
2. Luar il paintg en la padella da brassar, svidar en il schmulo e brassar cun pauca chalira.
3. Manizzar il schmulo cun la palutta enfin ch’el è fin sco maluns.

Biscutins surmirans

Ils biscutins surmirans èn adattads per mintga mument da café.

1. Far ina pasta cun las quatter ingredienzas. 
2. Tagliar en quadrins la tschigulatta ed agiuntar cun ils mandels a la pasta.
3. Furmar duas rollas e metter sur notg a frestg.
4. Tagliar rudellas da ½ cm e stritgar cun mellen d’ov.
5. Metter en il furn prestgaudà sin 180 grads e laschar vegnir mellen-brin (circa 15min).

 Bun appetit giavischan RTR e Fadri Arpagaus!