Uschia preparas ti ils egls bov
Ingredienzas
- 4 ovs cotgs
- 3 ovs
- 200 gr farina alva
- 2 dl latg
- 1/2 tp sal
- vin u latg
- 1/2 liter ieli per brassar
Sosa
- 2 dl suc dad ivas
- 3 dl vin cotschen
- 100 gr zutger
- paletscha sgrattada d'ina citrona ed in'oranscha
- 50 gr ivettas
- chanella tenor giavisch
Preparaziun
- Far coier 4 ovs, fin ch’els èn dirs.
- Laschar sfradar ils ovs e far giu la crosa.
- Per la pasta: sbatter tschels 3 ovs cun il latg u la groma ed agiuntar la farina ed il sal.
- Truschar la pasta (ella na duess betg esser memia rara).
- Bagnar ils ovs cotgs en la pasta e brassar els. Repeter quai pliras giadas, fin ch’ins ha la grossezza giavischada.
- Tagliar permez ils egls-bov ed als metter en ina stgadella u en ina cuppa.
- Far buglir vin cun aua e zutger ubain latg e zutger e derscher surengiu.