Recept - Muffins da la mieur

Las ingredienzas
per 12 muffins

Per ils muffins

• 2 scadiolas farina
• 1 scadiola zutger
• 2 ovs
• ½ scadiola ieli
• ½ pac pulvra da levon
• 1 pac tochins da tschigulatta
• furmas da muffins

Per la crema da paintg

• 250g paintg
• 1 tp extract da vaniglia
• 300g pulvra da zutger
• 3 tg latg
• colurs da vivondas (oransch)

Per la decoraziun

• 24 Oreos (per las ureglias)
• 24 tgiradents

tp = tschadun pitschen
tg = tschadun grond

Instrucziun pass per pass

Muffins

1. Prestgaudar il furnel sin 180°C.
2. Truschar tut las ingredienzas en ina cuppa.
3. Emplenir las furmas da muffins cun la pasta.
4. Coier per ca. 20 minutas.
5. A la fin prender ora dal furnel e laschar sfradentar.

 Crema da paintg

1. Truschar il paintg cun il scuet electric.
2. Dar vitiers la pulvra da zutger (plaun plaunet).
3. Agiuntar l’extract da vaniglia ed il latg.
4. A la fin anc dar vitiers la colur e truschar per l’ultima giada.
5. Metter la crema da paintg en in satget da squittar.
6. Decorar ils muffins cun la crema.

Decoraziun

1. Metter ils tgiradents en ils Oreos.
2. Cun agid dals tgiradents pon ins fixar las ureglias vi dal muffin.
3. Per ils barbis da la mieur pon ins colurar la crema da paintg en nair cun agid d’in tgiradents.