Recept - Bulieus or d'ovs cotgs

Uschia poss ti far bulieus ord ovs cotgs

Preparaziun: 10 minutas

Decoraziun: 10 minutas

Ingredienzas

• 3 ovs cotgs
• 3 tomatas
• maionesa
• 3 talgias paun da tost
• paintg
• 1 puschel tschagugliuns

Preparaziun

1. Far giu la crosa dals ovs cotgs.
2. Tagliar davent il toc sura da l’ov. Metter ils ovs verticalmain sin in taglier.
3. Lavar las tomatas, sientar e far permez. Chavar ora cun in tschadun pitschen las mesadads. Silsuenter metter las mesadads sco chapè sin ils ovs.
4. Far pitschens puncts da maionesa cun agid d’in tgiradents sin las mesadads da las tomatas.

Decoraziun

1. Tostar il paun da tost e furar ora gronds rudels, p.ex. cun ina furma per far biscuits u cun in magiel.
2. Stritgar si paintg sin ils tosts.
3. Springir ils tosts cun tschagugliuns.
4. Metter sin mintga tost in bulieu.

Recept sco PDF