Insumma per l’emprima giada en in final è arrivada Sophie Hediger, e quai tar sia 30avla cursa da la cuppa mundiala. La finala è sulet Eva Adamczykova da la Tschechia stada pli sperta che la Svizra da 25 onns.
Sina Siegenthaler è cupitgada en ils mezfinals, cun vulair passar ina concurrenta. En il final pitschen ha la giuvna da l’Emmental lura fatg plaz dus ed è uschia sa classada sin rang sis.
Koblet cun il 5avel podest
Kalle Koblet è partì en tut las cursas davent dals otgavelfinals in pau plaun, tuttina hai mintgamai tanschì ad el da sa qualifitgar per la proxima runda. Ed en il final è sulet il Canadais Eliot Grondin stà pli spert.
video
Uschia va Kalle Koblet sin rang 2
Or da Sport-Clip dals 26.01.2024.
laschar ir. Durada: 1 minuta 17 Secundas.
Las cursas a San Murezzan èn l’emprova generala per ils campiunadis mundials da freestyle dal 2025 en l’Engiadina.
