Daniel Schaltegger sa retira sco CEO e president da la societad FIS Freestyle World Championships 2025 San Murezzan Engiadina. Tenor communicaziun a las medias sa retira el sin agen giavisch. Sur da la successiun vegn infurmà pli tard. Sco Daniel Schaltegger ha ditg envers RTR saja el fitg cuntent d'avair fatg questa experientscha ed el stat fitg mal da bandunar l'uniun. Davart il motiv na po el dentant betg prender posiziun.
Ils campiunadis mundials dals freeskiers e snowboarders èn il mars 2025. I vegn fatg quint cun 1'200 atletas ed atlets da 35 naziuns.
