La societad dals campiunadis mundials da freestyle a San Murezzan ha ina nova direcziun. Da nov surpiglian duas persunas il timun. Sigi Asprion vegn sco president gestiunari ad avair la responsabladad generala. El vegn surtut a surpigliar las lavurs strategicas. Asprion era gia president da la suprastanza.
Nov CEO daventa Milan Derouck ch'era fin uss responsabel per las finanzas. El vegn a surpigliar la responsabladad operativa. Asprion e Derouck daventan uschia ils successurs da Daniel Schaltegger ch'era sa retratg. Ils campiunadis mundials da Freestyle da la FIS han lieu il mars 2025.
La nova direcziun ha la societad dals campiunadis mundials annunzià.
