Paris ha organisà questa stad – suenter il 1900 ed il 1924 – per la terza giada gieus olimpics. Dals 26 da fanadur fin ils 11 d’avust èn s'inscuntrads passa 11’000 atletas ed atlets da passa 200 naziuns en la chapitala franzosa. La Svizra ha nominà 128 sportistas e sportists, tranter quels èn quatter dal Grischun.
Las medaglias svizras en survista:
🥇Chiara Leone gudogna la concurrenza da sajettar cun la buis en 3 differentas posiziuns sin 50 meters.
🥈La Turitgaisa Julie Derron è ida per argient al triatlon da las dunnas . Gudagnà ha la Franzosa Cassandre Beaugrand.
🥈 Steve Guerdat va per argient en il chavaltgar .
🥉 Tanja Hüberli e Nina Brunner van per bronz en il beachvolley .
🥉Zoé Claessens gudogna bronz en il BMX Racing. I sa tracta da l'emprima medaglia per la Svizra insumma en questa disciplina.
🥉Roman Röösli ed Andrin Gulich gudognan la medaglia da bronz da remblar en dus sur 2'000 meters.
🥉Roman Mityukov ha gudagnà bronz sur ils 200 meters nudar en dies.
🥉Audrey Gogniat gudogna l' emprima medaglia per la Svizra. Ella fa bronz da sajettar 10 meters cun buis ad aria cumprimida.
Era per il quartet grischun è il viadi plain emoziuns a fin
- L’atleta da Grüsch, Annik Kälin , ha persvadì fitg tar ses emprims gieus olimpics a Paris. Kälin ha terminà il heptatlon sco quarta e manchentà be per pauc ina medaglia. Sco quarta turna ella dentant a chasa cun in diplom olimpic.
- Per William Reais èn ils gieus olimpics a Paris a fin strusch che quels han cumenzà. Il sprinter da Cuira è vegnì en sia cursa d'eliminaziun, pia en l'emprima runda sur 200 meters be 7avel ed uschia davos.
- Per la ciclista rumantscha oriunda da Domat, Elena Hartmann , èn ils gieus olimpics da stads in'experientscha unica: «Quest temp na vegn jau mai ad emblidar.» Suenter la cursa cunter l’ura è Elena Hartmann era sa participada a la cursa da via. La ciclista da 33 onns ha cuntanschì l’arrivada sco 57avla cun in retard da bunamain 9 minutas sin la campiunessa olimpica, l’Americana Kristen Faulkner.
- I n’è betg stà la cursa olimpica che Nino Schurter ha mess avant. Il mountainbiker oriund da Tersnaus ha stuì sa cuntentar a Paris cun il novavel plaz cun, quei cun in retard da 2:22 minutas sin il Brit Tom Pidcock che gudogna a moda dramatica.
Tgi èn els? Co ticcan els? Tge quitads datti? Tge giavischan els per la Frantscha? E tge din ellas da la Svizra? Nus discurrin cun differentas persunas per pudair tutgar il puls da noss vischins. Las dumondas èn las medemas – las respostas varieschan.
Istorgias e fatgs enturn ils gieus olimpics
Themen in diesem Newsticker
- La festivitad finala dals gieus olimpics a Paris
- Swiss Olimpic: bilantscha dals gieus olimpics
- Maison Suisse tira medemamain bilantscha positiva
- Nagin diplom per ciclista Aline Seitz
- Anna Jurt ha manchentà in diplom olimpic en il pentatlon modern
- Fabienne Schlumpf è vegnida 16avla en il maraton
- 5'000 meters: Lobalu vegn quart
- Pentatlon modern: nagina medaglia per Dällenbach
- Nagin happy end per las golfistas svizras
- Pentatlon modern: Anna Jurt sa qualifitgescha per il final