Paris 2024, ils gieus olimpics da stad èn gist vegnì il dretg mument. La Frantscha è il mument en ina situaziun difficila suenter las elecziuns naziunalas che han manà a trais blocs circa medem gronds. La sanestra cun Jean-Luc Mélenchon, il center cun la partida dal president Emmanuel Macron e la dretga cun Marine Le Pen. President Macron ha annunzià da pir vulair nominar in nov primminister suenter ils gieus olimpics. Igl n’è perquai betg cler en tge direcziun che la ‘Grande Nation’ vegn ad ir en il futur. E quai procura per malsegirtads e malruaus en la populaziun franzosa.
Ils gieus olimpics da stad èn qua stads in zic sco vacanzas da la realitad e dals quitads quotidians per las Franzosas ed ils Franzos. Els han pudì persequitar cun tensiun e grond interess «Les bleu(e)s», lur atletas ed atlets. Il sport ed ils success da sportistas e sportists indigens han unì ils differents pols politics e l’entira populaziun franzosa las ultimas emnas. «Alors, on fête!» è stada la devisa.
Reclama per il turissem
La segirtad e l’organisaziun dal transport eran ils gronds quitads en vista a Paris 2024. Mo abstrahà da plirs acts da sabotascha sin l’infrastructura da TGV il di da l’avertura, èn ils gieus olimpics restads paschaivels. E grazia ad adattaziuns tar la metro n’hai betg dà in collaps dal transport public.
Ensemen cun ils maletgs da stadions avant culissas impressiunantas sco la Tour Eiffel u las concurrenzas cun chavals a Versailles èn ils gieus olimpics stads la meglra reclama per il turissem da Paris. Gia oz visitan passa 15 milliuns turistas e turists la citad da las glischs e da l’amur mintg’onn. Bain pussaivel che quella cifra vegn anc a s’augmentar l’auter onn.
Ierta persistenta da Paris 2024
A moda prudenta han ils organisaturs evaluà nua che l’infrastructura gia existenta po vegnir duvrada per las concurrenzas, nua ch’igl è pussaivel da construir arenas provisoricas ed uschia era inscenar quellas concurrenzas avant culissas impressiunantas sco la Tour Eiffel u la Place de la Concorde e nua ch’i fiss d’avantatg da construir novs indrizs. Indrizs che duain dentant esser util a la populaziun. Saja quai ussa la prolungaziun da la metro 14 enfin St. Denis u la construcziun dal nov center aquatic sper il Stade de France u la halla da sport nova a La Chapelle.
Gist en il quartier da La Chapelle porta Paris 2024 la schanza da crear ina nova dinamica suenter che la populaziun ha durant decennis patì da la scena da drogas cun violenza e criminalitad. Cun las mesiras urbanisticas ed il nov bajetg da l’Universitad Sorbonne dastga la populaziun da La Chapelle ussa guardar cun nova speranza en il futur. Quai è in’ierta dals gieus olimpics da stad Paris 2024 che merita respect.
A chaschun dals gieus olimpics a Paris ha RTR vulì emprender ad enconuscher pli bain noss vischins. Noss redactur Adrian Camartin ha ramassà tuns e suns da Paris. Qua pudais vus accumpagnar RTR sin la tschertga dad istorgias a Paris, la chapitala franzosa.
Tgi èn els? Co ticcan els? Tge fa quitads? Tge giavischani per la Frantscha? E tge din ellas da la Svizra? Nus avain discurrì cun differentas persunas per pudair tutgar il puls da noss vischins.
Drogas ed ina schanza grazia olimpia
Paris e Cuira han omadus in problem da drogas, concret in problem cun crack e freebase, ina droga relativ favuraivla che fa dentant fitg spert dependent. La differenza: Entant che Cuira cumbatta dapi intgins onns cun ina scena averta en il Stadtgarten, enconuscha Paris il fenomen gia dapi plirs decennis.
Anfang Bildergalerie
Bildergalerie überspringen
-
Bild 1 von 9. Entrada dal center d’agid per persunas dependentas da drogas da l’organisaziun Gaia. Bildquelle: RTR.
-
Bild 2 von 9. Elisabeth Avril, la directura da l'organisaziun Gaia. Bildquelle: RTR.
-
Bild 3 von 9. Jamel Lazic, manader da partiziun dal center d’accumpagnament e da tractament. Bildquelle: RTR.
-
Bild 4 von 9. La Porte de la Chapelle. Bildquelle: RTR.
-
Bild 5 von 9. L'Arena Porte de la Chapelle è era il stadion da chasa da Paris Basketball. Bildquelle: RTR.
-
Bild 6 von 9. Qua han gì lieu tranter auter era ils gieus da badminton. Bildquelle: Keystone.
-
Bild 7 von 9. Las duas turs autas da la Porte de la Chapelle. Bildquelle: RTR.
-
Bild 8 von 9. La boulangerie Dupain, in dals centers d'inscunter da la populaziun da La Chapelle. Bildquelle: RTR.
-
Bild 9 von 9. La citad da Paris ha modernisà la zona da peduns. Pli baud dominavan qua ils autos. Bildquelle: RTR.
Ende der Bildergalerie
Zurück zum Anfang der Bildergalerie.
Tge experientschas ha la chapitala franzosa fatg e co emprova ella da far frunt a la situaziun? Pertge vala la Svizra sco exempel positiv quai che pertutga il tractament da dependenzas e co ha in quartier problematic da Paris grazia ils gieus olimpics survegnì ina schanza da sa midar dad ina zona da No-Go en in lieu attractiv da viver?
Dischoccupaziun da giuvenils
La Frantscha dumbra ina da las pli autas quotas da dischoccupaziun da giuvenils da l’Europa. Cun prest 20 pertschient è la quota dubel uschè auta sco en Svizra. Ed en ils quartiers a l’ur, las uschenumnadas banlieues è la situaziun anc pli precara.
Anfang Bildergalerie
Bildergalerie überspringen
-
Bild 1 von 4. Adèle Tellez, sindicalista tar la CGT. Bildquelle: RTR.
-
Bild 2 von 4. Rémi Bourguignon, professer a l'universitad Paris-Est. Bildquelle: RTR.
-
Bild 3 von 4. Prunelle Gorget, directura da 'Duo for a Job' Paris. Bildquelle: RTR.
-
Bild 4 von 4. Dominique Nourry, nos correspundent Adrian Camartin, Francis Doré e Prunelle Gorget. Bildquelle: RTR.
Ende der Bildergalerie
Zurück zum Anfang der Bildergalerie.
Nus guardain tge ch’èn las raschuns, tge ch’i fiss da far e co in project innovativ pussibilitescha a giuvnas e giuvens cun ina biografia da migraziun d’augmentar lur schanzas sin il martgà da lavur.
Salids da Paris
In pitschen diari da fotografias resumescha il viadi davos las culissas.
Diari da fotos #Paris2024 (3)
Anfang Bildergalerie
Bildergalerie überspringen
-
Bild 1 von 20. 12-08-2024. Bildquelle: RTR.
-
Bild 2 von 20. Temp da far la valisch. (foto da symbol!). Bildquelle: RTR.
-
Bild 3 von 20. Suenter 16 dis fitg aventurus bandunain nus la metropola franzosa puspè. Merci Paris, C'était un temps formidable. Bildquelle: RTR.
-
Bild 4 von 20. 11-08-2024. Bildquelle: RTR.
-
Bild 5 von 20. Ensolver a la parisienne. Bildquelle: RTR.
-
Bild 6 von 20. Paris è era culissa per bleras serias e blers films. Bildquelle: RTR.
-
Bild 7 von 20. L’arcada sut la punt da metro Bir-Hakeim e per exempel stada culissa per il film Inception cun Leonardo DiCaprio. Bildquelle: RTR.
-
Bild 8 von 20. In dals gronds stars dal film franzos. Bildquelle: RTR.
-
Bild 9 von 20. Olimpia è dapertut en la citad. Bildquelle: RTR.
-
Bild 10 von 20. In ultim salids da la Tour Eiffel avant ch'ils gieus olimpics da stad da Paris van a fin. Bildquelle: RTR.
-
Bild 11 von 20. 10-08-2024. Bildquelle: RTR.
-
Bild 12 von 20. En il Olympic Aquatics Center. Oz siglian ils umens da la tur da 10 meters. Bildquelle: RTR.
-
Bild 13 von 20. Ils voluntaris fan ina foto da regurdientscha. Bildquelle: RTR.
-
Bild 14 von 20. Davos las tribunas. Bildquelle: RTR.
-
Bild 15 von 20. L'angul perfetg per fotografar ils sigliders. Bildquelle: RTR.
-
Bild 16 von 20. Tranter la qualificaziun ed il final guardain nus il final da volleyball dals umens. Ils Franzos gudognan. Bildquelle: RTR.
-
Bild 17 von 20. Temps per trenar anc ina giada la coreografia. Las nudadras sincronas en il bassin grond. Bildquelle: RTR.
-
Bild 18 von 20. Duront il final po quai schon vegnir dad aut. Jau hai per cletg adina cun mai mes cuncuns da protecziun. Bildquelle: RTR.
-
Bild 19 von 20. Tut pront per l'undrientscha dals victurs. Bildquelle: RTR.
-
Bild 20 von 20. La China avant il Giabun e la Gronda Britannia. Bildquelle: RTR.
Ende der Bildergalerie
Zurück zum Anfang der Bildergalerie.
Diari da fotos #Paris2024 (2)
Anfang Bildergalerie
Bildergalerie überspringen
-
Bild 1 von 64. 09-08-2024. Bildquelle: RTR.
-
Bild 2 von 64. Cun ils fans sin via en il Stade de France. Bildquelle: RTR.
-
Bild 3 von 64. Anc ina pitschna regurdientscha per ils chars a chasa. Bildquelle: RTR.
-
Bild 4 von 64. Per las medias datti adina in'entrada speziala. Bildquelle: RTR.
-
Bild 5 von 64. Finalmain en il stadion. L'atmosfera è grondiusa. Bildquelle: RTR.
-
Bild 6 von 64. En las catacombas dal stadion essan nus ussa a la tschertga da la mixed zone. Là pudain nus far intervista cun ils atlets ed las atletas. Bildquelle: RTR.
-
Bild 7 von 64. Tgattà! Mo quai n'è betg la dretga mixed zone. Qua dastgan mo la pressa scrita far intervistas. Filmar e registrar intervistas per radio è scumandà. Bildquelle: RTR.
-
Bild 8 von 64. Curt check sin il telefonin. Ha nossa atleta Annik Kälin gia cummenzà ils 800 meters? Bildquelle: RTR.
-
Bild 9 von 64. Finalmain arrivads en la dretga mixed zone. Quels plaz èn dentant reservads per autras medias. Bildquelle: RTR.
-
Bild 10 von 64. Ils collegas èn vid far intervista cun la curridura Natalia Kaczmarek che ha gudagnà bronz en la cursa da 400 m. Bildquelle: RTR.
-
Bild 11 von 64. Dad ina vart ils atlets ed las atletas, da l'autra vart ils schurnalists ed las schurnalistas. Bler spetgar. Bildquelle: RTR.
-
Bild 12 von 64. Finalamin ès ella arrivada. Annik Kälin è fitg cuntenta cun ses quart plaz en il heptatlon. Bildquelle: RTR.
-
Bild 13 von 64. 08-08-2024. Bildquelle: RTR.
-
Bild 14 von 64. La ‘métro’ da Paris, quest labirint sutterran da prest 250 km, è la pli sperta pussaivladad da traversar la citad. Bildquelle: RTR.
-
Bild 15 von 64. Normalmain n’han ils passagiers betg questa vista. Mo intginas lingias, sco per exempel la metro 14 che maina nus tar noss hotel, funcziuneschan a moda automatica e n’han betg pli ina cabina cun chauffeur. Bildquelle: RTR.
-
Bild 16 von 64. Betg tuts han plaschair ch’ils gieus olimpics han lieu a Paris. Bildquelle: RTR.
-
Bild 17 von 64. 07-08-2024. Bildquelle: RTR.
-
Bild 18 von 64. Tgi che tschertga il ruaus na duai betg ir a Paris. Autos, sirenas, metro, musica, ... La citad na dorma mai. Bildquelle: RTR.
-
Bild 19 von 64. Puspè turnà en il Grischun? Na, il ‘Bois de Boulogne’ en il vest da Paris. Bildquelle: RTR.
-
Bild 20 von 64. Il ‘Bois de Boulogne’ è passa dubel usche gronds sco il Central Park a New York. Il dretg lieu per currer ina runda ed emblidar la hectica da la chapitala franzosa. Bildquelle: RTR.
-
Bild 21 von 64. 06-08-2024. Bildquelle: RTR.
-
Bild 22 von 64. Pervia dals gieus olimpics n'ha il 'Tour de France', la cursa da velo renumada, betg pudì terminar a Paris. Almain las bananas han chattà la via en la chapitala. ;-). Bildquelle: RTR.
-
Bild 23 von 64. Il dumber da polizia qua a Paris è enorm. Cler ch'ins sto lura parcar ils töfs là nua ch'i ha anc plaz. Bildquelle: RTR.
-
Bild 24 von 64. Bleras da questas tendas na vesan ins betg a Paris. Enfin ussa n'ha la polizia betg rumegià quest camp sut la pund da l'autostrada en il quartier Clichy. Bildquelle: RTR.
-
Bild 25 von 64. 05-08-2024. Bildquelle: RTR.
-
Bild 26 von 64. Mia plazza da lavur oz. Avant che las dunnas cumbattan per las medaglias sin la trav d'equiliber ed en la gimnastica per terra ed ils umens sin il rec e la barra hai jau temp da lavurar vid la reportascha. Bildquelle: RTR.
-
Bild 27 von 64. Ina atleta – 100 fotografs. Bildquelle: RTR.
-
Bild 28 von 64. Ina entira battaria da cameras prenda en mira tut quai che schabegia sin ils urdains e dasperas. Bildquelle: RTR.
-
Bild 29 von 64. 04-08-2024. Bildquelle: RTR.
-
Bild 30 von 64. Sin reportascha en il quartier da la Porte de la Chapelle en il nord da Paris. Bildquelle: RTR.
-
Bild 31 von 64. Il quartier ha ditg gì da cumbatter cun ina scena da drogas averta. Oz è la situaziun in'autra. Bildquelle: RTR.
-
Bild 32 von 64. Da far ha quai betg il davos era cun questa halla ch'è vegnida construida per ils gieus olimpics e che porta normalmain il num dad ina marca da sport tudestga. Savais tgenina? Bildquelle: RTR.
-
Bild 33 von 64. Tge lieu per far in'intervista cun la ciclista Elena Hartmann suenter la cursa da velo. Cun questa vista na savess jau betg pli tge dumandar. Bildquelle: RTR.
-
Bild 34 von 64. Senza bigliet u accreditaziun n’è la vista betg uschè bella. Bildquelle: RTR.
-
Bild 35 von 64. Per quai na vegnin nus betg a Paris. Quai avain nus era tar nus ed anc en ina megliera qualitad. Bildquelle: RTR.
-
Bild 36 von 64. 03-08-2024. Bildquelle: RTR.
-
Bild 37 von 64. Otg dis èn passads plain spectachel e medaglias, era per la Svizra. I spetgan anc ina giada uschè blers dis. Bildquelle: RTR.
-
Bild 38 von 64. Per mai munta quai – far la laschiva. Bildquelle: RTR.
-
Bild 39 von 64. Per cletg hai jau chattà ina ch’è schubra e che venda era gist la pulvra da lavar. Ussa anc metter tut ensemen ed jau sun puspè ready per novas aventuras olimpicas. Bildquelle: RTR.
-
Bild 40 von 64. 02-08-2024. Bildquelle: RTR.
-
Bild 41 von 64. Gronda onur per la band «Ladunna». Bildquelle: RTR.
-
Bild 42 von 64. Chiara Jacomet e Momo Kawazoe han gì la chaschun da sunar en l'ambassada svizra a Paris. Bildquelle: RTR.
-
Bild 43 von 64. Il duo ha preschentà pliras da lur chanzuns, cunzunt las rumantschas. Bildquelle: RTR.
-
Bild 44 von 64. Il publicum ha laschà plaschair ils ritems da electro cun ils texts rumantschs. In zic exotica en la Maison Suisse. Bildquelle: RT.
-
Bild 45 von 64. Nus avain fatg intervistas ed in curt video. Bildquelle: RTR.
-
Bild 46 von 64. 01-08-2024. Bildquelle: RTR.
-
Bild 47 von 64. Cun quest dress vegnan ins segir en la televisiun – almain tar ils collegas americans. Bildquelle: RTR.
-
Bild 48 von 64. Per ils vendiders da souvenirs èn ils gieus olimpics ina buna fatschenta. La versiun gronda na pon ins betg prender en la bagascha da maun. Bildquelle: RTR.
-
Bild 49 von 64. Il «mur des je t’aime» a Montmartre dumbra passa 300 variantas da l’expressiun en 250 linguas. Tgi chatta la versiun rumantscha? Bildquelle: RTR.
-
Bild 50 von 64. Et voilà! ;-). Bildquelle: RTR.
-
Bild 51 von 64. Montmartre ha bleras bellas ustarias e bistros. Bildquelle: RTR.
-
Bild 52 von 64. 31-07-2024. Bildquelle: RTR.
-
Bild 53 von 64. En il 19. arrondissement per far in'intervista. Bildquelle: RTR.
-
Bild 54 von 64. Bunamain sco ad Amsterdam. Bildquelle: RTR.
-
Bild 55 von 64. Jau hai termin tar la CGT, la federaziun dals sindicats da la Frantscha. Bildquelle: RTR.
-
Bild 56 von 64. Cun Adèle Tellez hai discurrì davart l'auta quota da dischoccupaziun da giuvnas e giuvens en Frantscha. Bainbaud d’udir tar RTR. Bildquelle: RTR.
-
Bild 57 von 64. Suenter l'intervista è avant l'artitgel online. Oz lavur jau en il «Paris Media Centre». Bildquelle: RTR.
-
Bild 58 von 64. 30-07-2024. Bildquelle: RTR.
-
Bild 59 von 64. Betg propi in bun cussegl. Las distanzas a Paris èn grondas. Perquai pli gugent prender la metro. Bildquelle: RTR.
-
Bild 60 von 64. Paris ha fatg bler per promover il traffic da velo. Bildquelle: RTR.
-
Bild 61 von 64. In terz da la populaziun da Paris dovra regularmain il velo. Bildquelle: RTR.
-
Bild 62 von 64. Era ina pussaivladad da reparar ina rusna. Bildquelle: RTR.
-
Bild 63 von 64. New York? Na, anc adina Paris. Bildquelle: RTR.
-
Bild 64 von 64. Ui. Forsa duess jau anc scriver ina carta postala a chasa. Bildquelle: RTR.
Ende der Bildergalerie
Zurück zum Anfang der Bildergalerie.
Diari da fotos #Paris2024 (1)
Anfang Bildergalerie
Bildergalerie überspringen
-
Bild 1 von 54. 29-07-2024. Bildquelle: RTR.
-
Bild 2 von 54. Oz sin via a la cursa da mountainbike dals umens. Questa giada betg cun il shuttle dals collegas da SRF. Bildquelle: RTR.
-
Bild 3 von 54. Anc in check dals emails. Avain nus sclerì tut cun ils collegas a Cuira? San els tge che vegn cura? Bildquelle: RTR.
-
Bild 4 von 54. Ina fota da souvenir avant il portal d'arrivada da la cursa sto schon anc esser avant che la lavur cumenza. Bildquelle: RTR.
-
Bild 5 von 54. Finì cun la dolce vita. Entant che l'equipa da RTR fa gia l'emprim discurs per il radio curt suenter las 12:00 è il collega da RSI anc vi d'installar sia tecnica. Bildquelle: RTR.
-
Bild 6 von 54. Partenza da la cursa da mountainbike dals umens. Anc è tut pussaivel per ils dus Svizzers Nino Schurter e Mathias Flückiger. Bildquelle: RTR.
-
Bild 7 von 54. Curt avant la fin persequiteschan ils fans plain tensiun la cursa sin la televisiun gronda. Bildquelle: RTR.
-
Bild 8 von 54. Na, quels fotografs na fotografeschan betg ina furmicla che tschertga la via – els guardan sche las fotografias èn gartegiadas. Bildquelle: RTR.
-
Bild 9 von 54. Era schi n'ha betg tanschì per ina medaglia svizra faschain nus in viva sin la prestaziun dals mountainbikers svizzers. Bildquelle: RTR.
-
Bild 10 von 54. 28-07-2024. Bildquelle: RTR.
-
Bild 11 von 54. Agid dals collegas da SRF. Per betg stuair prender metro, tren e bus per arrivar tar la concurrenza da mountainbike da las dunnas avain nus dastgà seser en il Shuttle che SRF ha organisà. Bildquelle: RTR.
-
Bild 12 von 54. Nus partin la plazza da commentar cun ils collegas da RTS. Ma pertge n'avain nus nagin parasol? Bildquelle: RTR.
-
Bild 13 von 54. Tge furbers. Ils collegas da RSI han simplamain prendì in parasol da la bar per ils osps envidads da l'IOC. Bildquelle: RTR.
-
Bild 14 von 54. Sin via tar la cantina dals voluntaris hai jau inscuntrà Sabine Vogler, ina da las numerusas voluntarias che gidan ils aspectaturs ed er ils schurnalists da chattar la dretga via. Bildquelle: RTR.
-
Bild 15 von 54. Sisum las medias electronicas, vul dir ils commentaturs da radio e televisiun, suten la pressa scritta. Ma nua èn ils parasols alvs sparids? Bildquelle: RTR.
-
Bild 16 von 54. Suenter ditg protestar han ils organisaturs montà per tut ils commentaturs parasols. Andreas Wieland è fitg cuntent da betg stuair lavurar en il sulegl. Bildquelle: RTR.
-
Bild 17 von 54. Secundas avant la partenza da las dunnas a la cursa da mountainbike olimpica. Era da la partida èn las duas Svizras Alessandra Keller e Sina Frei. Bildquelle: RTR.
-
Bild 18 von 54. Suenter set rundas è cler: Alessandra Keller daventa 7avel, sia collega Sina Frei finescha la cursa sin il 21avel plaz. Andreas Wieland en discurs cun Alessandra Keller. Bildquelle: RTR.
-
Bild 19 von 54. Star en retscha per la undrientscha da las victuras: Pauline Ferrand-Prévot (FRA) gudogna avant Haley Batten (USA) ed Jenny Rissveds (SWE). Bildquelle: RTR.
-
Bild 20 von 54. Sin viadi enavos en direcziun Paris faschain nus in curt stop a Roland Garros nua che Rafael Nadal gudogna ses match d'emprima runda suenter passa duas uras. Bildquelle: RTR.
-
Bild 21 von 54. 27-07-2024. Bildquelle: RTR.
-
Bild 22 von 54. Bletsch, bletsch, bletsch. Las cundiziuns per las ciclistas ed ils ciclists n'èn betg propi bunas. Bildquelle: RTR.
-
Bild 23 von 54. Pli gugent in dies bletsch ch'in computer rut. Quest collega schurnalist sa co ch'i funcziuna. Bildquelle: RTR.
-
Bild 24 von 54. Partenza da la Rumantscha Elena Hartmann. Bildquelle: RTR.
-
Bild 25 von 54. Cun paraplievgia e telefonin per guardar la transmissiun observa Andreas Wieland la cursa cunter l'ura. Bildquelle: RTR.
-
Bild 26 von 54. Finalmain a l'arrivada. Elena Hartmann sin ils ultims meters. Bildquelle: RTR.
-
Bild 27 von 54. En la zona d'intervista, en il jargon schurnalistic era numnà «Mix-Zone», ha Andreas Wieland curt temp per intginas dumondas ad Elena Hartmann. Bildquelle: RTR.
-
Bild 28 von 54. En il center da medias gist sper l'arrivada sa prepara Andreas Wieland sin il discurs live al radio. Bildquelle: RTR.
-
Bild 29 von 54. Halla impressiunanda per la concurrenza da dar spada. E cunzunt SITG! Bildquelle: RTR.
-
Bild 30 von 54. La concurrenza da dar spada ha lieu en il Grand Palais, in dals bajetgs iconics da Paris. Bildquelle: RTR.
-
Bild 31 von 54. Il Grand Palais sa chatta gist sper la Avenue des Champs Élysées. Durant ils gieus olimpics è questa via renumada serrada per il traffic d'autos. Bildquelle: RTR.
-
Bild 32 von 54. 26-07-2024. Bildquelle: RTR.
-
Bild 33 von 54. Sin viadi a la ceremonia d'avertura dals 33. gieus olimpics a Paris. Bildquelle: RTR.
-
Bild 34 von 54. Sco dapertut ston ins era qua passar ina controlla da segirtad. Bildquelle: RTR.
-
Bild 35 von 54. Finalmain arrivà a la Seine. E qua hai jau era inscuntrà la mascotta dals gieus olimpics da Paris. Il famus chapè frigic. Bildquelle: RTR.
-
Bild 36 von 54. La vista sin la Seine. Da l'autra riva è il monitur che che vegn duvrà per mussar la festa d'avertura. Bildquelle: RTR.
-
Bild 37 von 54. Era ils vischins èn en buna luna per la festa d'avertura. Bildquelle: RTR.
-
Bild 38 von 54. L'emprima bartga arriva. Sco quai che la tradiziun olimpica pretenda èn quai ils atlets e las aletas greccas. Bildquelle: RTR.
-
Bild 39 von 54. Sa legra memia baud. Suenter curt temp cumenzi a plover. Bildquelle: RTR.
-
Bild 40 von 54. E finì èsi cun la bella vista sin la Seine e cunzunt era sin il monitur. Bildquelle: RTR.
-
Bild 41 von 54. E suenter passa duas uras arriva era la bartga dals atlets e da las atletas svizras. Bildquelle: RTR.
-
Bild 42 von 54. 25-07-2024. Bildquelle: RTR.
-
Bild 43 von 54. Visita en la Maison Suisse che sa chatta en il curtin da l'Ambassada da la Svizra a Paris. Bildquelle: RTR.
-
Bild 44 von 54. Qua na pon ins betg mo degustar e testar products svizzers. Era Swiss Olimpic fa en questa localitad sias conferenzas da medias. Bildquelle: RTR.
-
Bild 45 von 54. Andreas Wieland ha tschappà la chaschun per far in'intervista cun il mountainbiker e campiun olimpic Nino Schurter. Bildquelle: RTR.
-
Bild 46 von 54. E silsuenter munta quai scriver e tagliar la registraziun ed il video da l'intervista. Bildquelle: RTR.
-
Bild 47 von 54. Il di avant la ceremonia d'avertura dals gieus olimpics èn postads dapertut policistas e policists. Bildquelle: RTR.
-
Bild 48 von 54. Segirtad munta il mument a Paris per tuts en emprima lingia spetgar e star en colonna. Bildquelle: RTR.
-
Bild 49 von 54. 24-07-2024. Bildquelle: RTR.
-
Bild 50 von 54. Pronts per il viadi a Paris. Andreas Wieland ed Adrian Camartin avant il TGV che maina els als gieus olimpics. Bildquelle: RTR.
-
Bild 51 von 54. Arrivads a la Gare de Lyon. Era en il TGV numerusas atletas ed atlets da la Svizra che vegnan a cumbatter per medaglias las proximas prest trais emnas. Bildquelle: RTR.
-
Bild 52 von 54. Ils emprims rintgs olimpics. Paris beneventa la famiglia olimpica. Bildquelle: RTR.
-
Bild 53 von 54. Suenter che nus essan stads per nossas accreditaziuns avain nus era gia fatg l'emprima intervista. Bildquelle: RTR.
-
Bild 54 von 54. La ciclista rumantscha Elena Hartmann ha dà pled e fatg. Anc avant 10 dis na saveva ella betg ch'ella po ir als gieus olimpics. Ella remplazza Marion Reusser che ha stuì renunziar pervia dad ina infecziun da virus. Bildquelle: RTR.
Ende der Bildergalerie
Zurück zum Anfang der Bildergalerie.