Vegnida nominada per questas cursas è la giuvna mountainbikera da 18 onns grazia als buns resultats en questa stagiun. Tranter auter è Chiara Solèr vegnida la fin zercladur a Wetzikon quarta a la cursa dal campiunadi svizzer. Plinavant ha ella persvadì cun in 5avel plaz ad ina cursa internaziunala en l’Italia.
Jau n’avess mai cartì ch’jau dastgia parter al campiunadi europeic, ma igl è per me ina gronda schanza.
Al campiunadi europeic dastga Chiara Solèr da Lumbrein parter a la cursa da via da las junioras sut 19 onns sco er a la cursa maschadada da team encunter l’ura che festivescha sia premiera en la categoria da las junioras.