06-11-2024
2. liga interregiunala
Cuira 97 turna a chasa cun ina victoria. Ils Grischuns han battì ordaifer Balzers cun 1:0. En la tabella restan els sin plazza otg.
03-11-2024
2. liga regiunala
Domat ha pers 1:2 cunter Steinach il gieu da questa dumengia. Pervia da questa terrada sa chatta Domat uss da nov sin l'otgavel plaz da la gruppa 1. Avant sa chattava il club da ballape anc sin il sisavel plaz. Il sulet gol da Domat ha Valerio Lanfranchi sajettà durant l'emprima mesadad dal gieu.
02-11-2024
2. liga interregiunala
Nauscha surpraisa per Cuira 97 cun la terrada da 0:1 ordaifer cunter Red Star, la laterna cotschna. Fin uss ha il club turitgais sulettamain pudì gudagnar dus dals 12 gieus da questa stagiun. Questa sonda ha Red Star meglierà questa statistica, e tramess ils da Cuira senza puncts a chasa.
2. liga regiunala
Cun discletg perda Valposchiavo Calcio la sonda cunter il FC Rorschach-Goldach cun 1:2. Tras dus autogols èn ils Puschlavins suenter 45 minutas en retard. En il dretg gol è la balla lura arrivada en la 75avla minuta, tras Nicolo Pola da Valposchiavo. Quai n'ha dentant midà nagut pli vi da la terrada. Il gieu è stà intensiv cun betg main che 9 cartas melnas.
3. liga
Cun la victoria da 1:0 cunter Panaduz po la US Schluein Glion passentar la pausa d'enviern sin il segund plaz da la tabella. Davanttiers resta il dominatur da la runda d'atun Bogn Ragaz, che ha gudagnà tut ils 11 gieus. La dominanza sa mussa era tar la relaziun da gols da 39:7.
Il segund club sursilvan il CB Trun/Rabius ha percunter pers cleramain ses gieu cunter Triesen cun 1:4. Ditg è Triesen dentant mo stà cun in gol en avantatg. Suenter il 2:0 en la 65avla minuta ha Trun/Rabius anc pudì scursanir 9 minutas pli tard. Enstagl d'in segund gol per ils Sursilvans hai lura dentant dà ils dus ulteriurs gols da Triesen, al resultat final da 1:4.
27-10-2024
2. liga regiunala
Il club da ballape da Domat gudogna ordaifer encunter il FC Romanshorn cun 3:2. La partida ha survegnì schlantsch en la segunda mesadad. Domat è ì en avantatg en la 60avla minuta ed ha bajegià ora l'avantatg en l'80avla minuta. Silsuenter han ils da Romanshorn dà gas e fatg dus gols entaifer da quatter minutas. Per en la 89avla minuta ha Domat alura pudì sajettar il gol final per il resultat final da 3:2.
26-10-2024
3. liga regiunala
La US Schluein Glion ha battì cleramain il CB Trun/Rabius en il derbi sursilvan cun 5:1. Tut ils gols hai dà en la segunda mesadad da la partida. Lars Caduff ha en la 91avla minuta anc pudì cumplettar in hattrick. Il sulet gol per Trun/Rabius ha sajettà Patrizio Decurtins en la 70avla minuta.
2. liga regiunala
En il Son Gagl ha Valposchiavo Calcio fatg ceder il FC Steinach. Quai però il pli davos mument, cun 1 gol en la 90avla minuta. Uschia pon ils Puschlavins sa meglierar en la tabella per 4 plazs ed èn ussa sin plaz 6. Per ils Songagliais da Steinach munta quai ch'i restan sin plaz 10.
2. liga interregiunala
Cuira 97 ha gudagnà a chasa encunter il FC Gossau cun 4:3. Il club da la chapitala dal Grischun sa chatta suenter quest gieu sin plazza 8 da la tabella, cun 17 puncts or da 12 gieus. A la testa da la gruppa 4 da la segunda liga interregiunala è actualmain il FC Wil 1900 2, cun in punct avantatg sin il FC Widnau 1.
20-10-2024
2. liga regiunala
En la segunda liga turna il FC Domat a chasa cun ina terrada. Ils Grischuns han pers ordaifer cunter Vaduz cun 1:2. En la tabella è Domat actualmain sin plazza 6.
19-10-2024
3. liga regiunala
L'US Schluein/Glion ha pudì far in ulteriur pass enavant. Trais dis suenter la clera victoria da 5:0 ordaifer encunter Walenstadt han ils Sursilvans er battì Mels a moda suverana. Schluein/Glion ha gudagnà a Mels cun 4:0. Actualmain sa chatta l'equipa da la Foppa sin il segund plaz da la tabella. En in'emna spetga l'emprim derbi sursilvan. Lura frunta l'USSI a chasa sin il CB Trun/Rabius.
Il CB Trun/Rabius da sia vart ha dumagnà in pari da 0:0 cunter Walenstadt. Uschia sa chatta il club sursilvan amez la tabella ed è bain da viadi resguardond sia finamira da vilentar in zic ils favurits, tut tenor far in pass direcziun prim terz da la tabella ed avair vinavant sin segir in plaz en terza liga.
13-10-2024
2. liga interregiunala
Cuira 97 ha fatg curt process e gudagnà ordaifer cunter il FC Schaffhausen cun 5:1. En la tabella è Cuira actualmain sin il dieschavel plaz.
2. liga regiunala
Ina victoria per ils Grischuns hai era dà en la segunda liga. Là ha Valposchiavo Calcio battì ordaifer Vaduz cun 2:0. En l tabella èn ils Puschlavins il mument otgavels. Domat perencunter ch'è er en la medema liga è tunrà dad Amriswil be cun in punct. Uschia èn ils da Domat sin plazza sis, lur adversari è sin l'ultima plazza da la tabella.
3. liga regiunala
Trun/Rabius ha gudagnà ordaifer cunter Triesenberg cun 2:0. Ils Sursilvans èn actualmain sin il tschintgavel plaz da la tabella. Er Schluein/Glion avess gì da giugar, la partida a Walenstadt è dentant vegnida spustada. Uschia è l'USSI sin plazza sis, gist davos l'equipda da Trun, però han ils da Schluein in gieu damain che Trun.
6-10-2024
2. liga: Domat gudogna a chasa cunter Teufen 4:2.
3. liga: Trun/Rabius gudogna a chasa cunter Landquart cun 3:0.
5-10-2024
2. liga regiunala
Valposchiavo Calcio perda a chasa cunter Amriswil cun 0:1. Ils Puschlavins sa chattan uschia cun otg puncts sin plazza nov da la tabella.
2. liga interregiunala
Cuira 97 dat pari a chasa cunter Bülach. En la 2. liga interregiunala è Cuira uschia sut il stritg sin plazza 13. En nov gieus han ils Grischuns be pudì recaltgar otg puncts.
3-10-2024
3. liga regiunala
Sin il pastg da Crap Gries a chasa han ils Sursilvans da l'US Schluein Glion stuì ceder. Cunter il FC Triesenberg dal Liechtenstein hani pers cun 1:2. Cunquai èn ils vischins dal Liechtenstein ussa sin plaz 2 da la tabella – gist suenter il leader da Bad Ragaz. Ils Sursilvans da la USSI èn sin plaz 5 cun 10 puncts. Pia cun tuttina blers puncts sco il FC Walenstadt ed ils collegas grischuns da Cuira 97. Quai però cun in gieu dapli che quels.
2. liga interregiunala
Cuira 97 sto magunar ina terrada a chasa. Ils Grischuns han pers cunter il FC Widnau cun 1:2. En la tabella èn els sut il stritg sin il 13avel plaz.
3. liga regiunala
Cun 2:0 ha il FC Landquart pudì cumbatter ils da Schluein-Glion e rimnar trais puncts. En la tabella sa chatta Landquart actualmain cun total otg puncts sin plazza 7 – quai suenter sis gieus. Schluein-Glion è sin plazza quatter.
28-09-2024
2. liga interregiunala
En la 2. liga interregiunala hai questa giada funcziunà per Cuira 97. A chasa han ils da Cuira gudagnà cun 2:0 cunter il FC Bazenheid 1. En la tabella è Cuira uschia s'avanzà sin plazza 11.
2. liga regiunala
En la 2. liga regiunala ha il CB Domat gudagnà ordaifer cunter Mels cun 3:1. En la tabella è Domat actualmain sin plazza 7.
Plinavant ha Valposchiavo Calcio pers ordaifer cunter Teufen cun 1:3. En la tabella sa chatta Valposchiavo Calcio sin plazza 9.
3. liga regiunala
En la 3. liga ha Trun/Rabius pers ordaifer cunter Cuira 97 cun 2:4. En la tabella è Trun/Rabius actualmain sin plazza 8.
22-09-2024
2. liga interregiunala
En 2. liga interregiunala na giri vinavant betg per Cuira. Ordaifer cunter Altstätten perdan ils Grischuns cun 0:1. Cuira 97 è uschia sut il stritg sin plazza 13 da la tabella.
2. liga regiunala
Il club da ballape da Domat ha gudagnà trais ulteriurs puncts en la 2. liga regiunala. Domat ha battì a chasa Buchs cun 3:0. En la tabella è Domat sin plazza 9.
3. liga regiunala
En la 3. liga ha Trun/Rabius pers a chasa cunter Panaduz cun 2:3. Uschia sa chattan ils Sursilvans sin plazza otg da la tabella.
En la 3. liga regiunala ha Landquart fatg il viadi sur cunfin al Lai Rivaun. Tranter Landquart e Walenstadt, il segund da la tabella, hai dà in pari da 2:2. Landquart è sin plazza 10 da la tabella.
21-09-2024
2. liga regiunala
Valposchiavo Calcio gudogna a chasa cunter Mels cun 2:1. Valposchiavo sa chatta uschia sin rang 7 da la tabella.
3. liga
Schluein Glion gudogna a chasa cunter Cuira 97 cun 2:1.
14-09-2024
Cuppa grischuna
La fin d'emna èn era stads ils quartfinals da la cuppa grischuna. Il CB Trun/Rabius ha gudagnà cun 7:6 suenter sajettar penalties encunter Moesano Calcio da la terza liga. Ed era Schluein Glion è avanzà en il mezfinal. Ils Sursilvans battan il FC Panaduz cun 3:2.
Il quartfinal da la segunda equipa da Cuira 97 encunter Landquart è vegnì spustà. Il davos quartfinal, dal CB Lumnezia encunter Valposchiavo Calcio ha lieu ils 17 da november.
2. liga interregiunala
Cuira po er quest gieu betg persvader e perda ordaiver cunter Seefeld. La squadra da giast va a chasa cun ina victoria 0:1.
2. liga regiunala
Valposchiavo Calcio dat ordaifer pari 1:1 cunter FC Buchs.
08-09-2024
Domat gudogna, Valposchiavo dat pari
Domat gudogna a chasa cunter Au-Berneck 1:0.
Valposchiavo Calcio dat a chasa pari 2:2 cunter FC Montlingen.
USSI dat pari
US Schluein Glion dat a chasa pari 1:1 cunter Triesen.
07-09-2024
Schleppa per Cuira 97
Ordaifer na po Cuira 97 betg persvader cunter Dardania Son Gagl en la 2. liga interregiunala. La squadra da chasa dominescha il gieu e trametta a chasa ils Grischuns cun 3:0. Per Cuira munta quai plazza 11 en la tabella.
06-09-2024
Victoria per Trun/Rabius
En la terza liga ha Trun/Rabius gudagnà a chasa cunter Sevelen cun 4:2. Per ils Sursilvans èsi stà la segunda victoria da la stagiun.
01-09-2024
Domat sto ceder a Ruggell – 1:3
A chasa sin il pastg al Vial n'ha il club da ballape da Domat betg pudì dumagnar ils giugaders dal FC Ruggell. Uschia resta Domat vinavant senza puncts sin il penultim plaz – gist anc avant il FC Mels. Persuenter avanza Ruggell cun 7 puncts in plaz 5.
31-08-2024
Segunda victoria per Schluein/Glion
Il viadi en la Bassa ha rendì per la US Schluein/Glion. Grazia a la victoria da 4:0 cunter Sevelen èn ils Sursilvans turnads a chasa cun trais ulteriurs puncts en la 3. liga regiunala . Per Schluein/Glion è quai la segunda victoria suenter trais partidas dal campiunadi actual. En la tabella è Schluein/Glion sin plazza quatter cun tuttina blers puncts sco Triesenberg e Panaduz ch'èn sin plazza dus e treis.
En la 2. liga ha Valsposchiavo Calcio da magunar ina terrada. Ils Puschlavins han pers ordaifer cun 2:3 cunter Au-Berneck. En la tabella è Valposchiavo Calcio sin plazza nov.
29-08-2024
Emprima victoria per il CB Trun/Rabius
Il club sursilvan ha battì ordaifer Sargans cun 4:1. Igl è la prima victora da la stagiun per ils da Trun/Rabius. Il culp da partenza en la dretga direcziun per il cader giuven è pia dà.
25-08-2024
US Schluein Glion po cunter Sargans
Suenter ina sconfitta en l'emprim gieu en il campiunadi cunter Bogn Ragaz ha l'USSI gudagnà l'emprim gieu en il campiunadi. A chasa han ils Sursilvans fatg trais gols, e betg laschà tiers gols.
24-08-2024
Poschiavo po cunter Ems
En la segunda liga interregiunala ha Valposchiavo Calcio sajettà il sulet gol da la partida. Uschia ha Poschiavo fatg ils emprims puncts en il campiunadi, suenter la sconfitta cunter il FC Ruggel 1 (1:2).
Cuira 97 n'ha entant betg pudì gudagnar ses emprim gieu dal campiunadi. Suenter ina emprima sconfitta cunter il FC Besa en la Cuppa Svizra, hai be tanschì per in pari cunter Uster (2:2) en la segunda liga interregiunala.
22-08-2024
Trun/Rabius senza cletg cunter Bogn Ragaz
Suenter la terrada la fin d'emna passada cunter Mels, ha il club da ballape da Trun/Rabius era pers la segunda partida da la stagiun da la 3. liga. Cunter Bogn Ragaz hai dà ina terrada da 1:2. En la tabella èn ils Sursilvans cunquai a la fin sin plazza 12.
18-08-2024
Magra entschatta da la stagiun
Cunter il FC Mels 2 n'hai betg tanschì. Il CB Trun/Rabius ha perdì 2:3 a sia entschatta en il campiunadi.
Tar las equipas grischunas senza cletg tutga er Valposchiavo Calcio. En la segunda liga regiunala hai be tanschì per in 1:2 cunter il FC Ruggel 1. Ed er Domat ha perdì cunter il FC Schaan 0:1.
17-08-2024
L'US Schluein Glion perda cunter Bogn Ragaz
Per il club da ballape da Schluein Glion è il viadi en il chantun Son Gagl ì a fin senza puncts. Il club da la Foppa ha pers l'emprima partida cun il nov trenader cunter Bogn Ragaz cun 1 :3. Ina terrada hai era dà per Landquart ch'ha pers cunter Triesen cun 1:2.
Cuppa Svizra
Cuira 97 ha giugà sonda suentermezdi ses gieu da la cuppa svizra cunter Besa. Ils da Cuira han pers la partida cunter ils Son Gagliais cun 0:1.
