Ils ballapedists da l'US Schluein Glion han pers il final da la cuppa svizra da la terza fin 5avla liga encunter il FC Besa. Suenter 90 minutas stevi 4:1 per l'equipa da Son Gagl. Oravant tut en la segunda mesadad dal gieu han lez dà gas e fatg trais goals entaifer da 20 minutas. Il sulet gol per ils Sursilvans hai dà en la 68avla minuta.
2. liga interregiunala
Cuira 97 ha pers cunter il FC Widnau cun 0:3. Cunquai sa ruschna Cuira puspè in plaz engiu, exact a mez la tabella, sin plazza otg. Anc la fin d'emna passada aveva l'emprima equipa da la chapitala grischuna gudagnà cunter Lachen/Altendorf cun 1:0 ch'è sin plazza 7. Tranter las plazzas sis e 10 èsi però stretg cun maximalmain 4 puncts differenza.
2. liga regiunala
Valposchiavo Calcio ha pers ordaifer encunter il FC Montlingen cun 0:2. Ils Grischuns sa chattan uschia sin la plazza 11 da la tabella, gist sur il stritg.
Domat ha danovamain mussà ina buna prestaziun e battì il FC Herisau gist cun 4:1. Domat ch'è dapi l'onn passà en la segunda liga è uschia s'avanzà sin plazza tschintg da la tabella. Herisau sa chatta actualmain sut il stritg sin plazza 12.
3. liga regiunala
En la terza liga gudogna il CB Trun/Rabius a chasa encunter il FC Flums, cun 6:1. Malgrà questa victoria na po Trun/Rabius betg avanzar en la tabella. Els restan gist sur il stritg sin la 10avla plazza.