La Cuppa Spengler attira fans da hockey da l’entira Svizra, dentant er dals pajais cunfinants. E cun il Team Canada ch’è dapi 40 onns da la partida a la Cuppa Spengler è l’attenziun garantida en l’entir mund ch’è interessà al sport da hockey. Exact questa culissa e questa fanestra è stada al principi l’idea dals responsabels da las HCD Ladies dad empruvar dad organisar in gieu da campiunadi en questa culissa stupenta. Dar hockey ina giada sin il glatsch da la Cuppa Spengler, quai era l’idea dals iniziants. E questa idea è uss gia dapi duas stagiuns realitad. Er quest onn han las HCD Ladies pudì dar in gieu da campiunadi en la culissa da la Cuppa Spengler. In gieu che ha attratg bler dapli visitadras e visitaders sco ina partida ordinaria.
HCD Ladies dattan encunter Friburg Gottéron
-
Bild 1 von 3Legenda: Hockey da dunnas en la stupenta culissa da la Cuppa Spengler RTR
-
Bild 2 von 3Legenda: Blers fans èn vegnids a merar il match RTR
-
Bild 3 von 3Legenda: Hockey da dunnas durant la Cuppa Spengler RTR
Bundant milli fans da hockey eran en il stadion
La culissa da fans en il stadion da hockey da Tavau era tut in autra che tar ina normala partida da campiunadi. La media dals fans che sustegnan l’equipa da las HCD Ladies durant las partidas da la Women’s hockey league importa radund 150. Durant il gieu encunter l’equipa da las dunnas da Friburg-Gottéron eran bler dapli fans en il stadion. Uschia che era las HCD Ladies han pudì profitar da la tribuna da la Cuppa Spengler. Las HCD Ladies han pudì mussar ad in public bler pli vast lur qualitads e lur abilitads. Il gieu ch’ellas han gudagnà cleramain cun 6:2 cunter Friburg era la meglra reclama per il sport da hockey da las dunnas.